სატოში ნაკამოტოს საჯარო გამოჩენის მოლოდინში

დაივიწყეთ ნოსტრადამუსი, კარტი ტარო და ასტროლოგია. ყოველივე ამან უკვე დაკარგა თავისი აქტუალობა. ახლა ხალხს მხოლოდ The Economist-ის წინასწარმეტყველების სჯერა, რომლის თანახმადაც ოქტომბერში სატოში ნაკამოტოს ფართო აუდიტორიის წინაშე წარდგომას უნდა ველოდოთ.

ეს თემა აქტიურად განიხილება კრიპტოვალუტის ფორუმებზე და შეთქმულების თეორიების მოყვარულთა შორის. სატოში ნაკამოტო - ადამიანი, რომელმაც ფინანსურ სამყაროში ნამდვილი რევოლუცია მოახდინა, ანონიმურობის შენარჩუნებასთან ერთად წლების განმავლობაში პრაქტიკულად ჩუმად არის.

  1988 წლის 9 იანვარით დათარიღებულ ჟურნალ The Economist-ის ნომრის გარეკანზე, ანონიმურმა წყაროებმა ბიტკოინზე მინიშნება იპოვეს. ამავე გარეკანზე იკითხებოდა ინფორმაცია მისი შემქმნელის შესაძლო პირველი საჯარო განცხადების (ტვიტის) თაობაზე.

  სტატიის დასახელება - „მოემზადეთ ახალი მსოფლიო ვალუტისთვის“ (get ready for new world currency) დამატებით ახსნა-განმარტებას არ საჭიროებს.

თუმცა ამაზე ყველაფერი არ დასრულებულა.

  გარეკანის ზედა ნაწილში, შეთქმულების თეორიის მოყვარულებმა მოყვანილი კიდევ ერთი სტატიის სათაური - „Takeshita Comes to Town“ „Satoshi Nakamoto Tweet“-ის პირდაპირ ანაგრამად ჩათვალეს.

  ანაგრამების შესწავლა, დაშიფრული შეყობინებების ამოხსნა, მასონური შეთქმულებების საიდუმლოებები - ჭეშმარიტეების მაძიებლებს მაგნიტივით ყოველთვის იზიდავდა. ერთ-ერთი მათგანი ყველაზე შორს წავიდა შემდეგი კავშირი აღმოაჩინა: „1975 წლის 5 აპრილს, სატოშის დაბადების დღეს, 1933 წლის 5 აპრილს აშშ-ს მაშინდელმა პრეზიდენტმა ფრანკლინ რუზველტმა №6102 განკარგულებას მოაწერა ხელი, რომელიც აშშ-ს მოქალაქეებიდან ოქროს იძულების წესით შეგროვებას გულისხმობდა. განკარგულებამ ძალა 1975 წელს დაკარგა“.

როგორც ვხედავთ უტყუარი მტკიცებულებები, რომ უახლოეს მომავალში ინტერნეტ-სივრცეში ბიტკოინის შემქმნელის განცხადებას ვიხილავთ, სავსებით რეალურია. იყავით ყურადღებით და არ გამოტოვოთ ეს მოვლენა.

По материалам ethereumworldnews.com