SWIFT GPI-ი RIPPLE NET-ის წინააღმდეგ

შეძლებს თუ არა SWIFT GPI-ი კორესპონდენციული ბანკინგის გადარჩენას, რომელიც RippleNet-ის საგადამხდელო სისტემის პოპულარობის გამო გაქრობის პირას არის მისული? ორივე სისტემას საკუთარი დადებითი და უარყოფითი მხარე აქვს. ფინანსური კორპორაციები უნდა შეეგუონ ბაზრის ახალ პირობებს, რომელიც მომხმარებელს უფრო იაფ, გამჭირვალე და სწრაფ საგადამხდელო გადაწყვეტილებებს სთავაზობს.

  SWIFT GPI-ის მთავარი უპირატესობა მის სიმსხვილეშია. საგადამხდელო სისტემის უზარმაზარ ქსელთან მსოფლიოს 11 000-ზე მეტი ბანკი თანამშრომლობს. SWIFT GPI-ი ეს უსაფრთხოებისკენ, გამჭირვალობისკენ და ტრანზაქციის დამუშავების სიჩქარისკენ გადადგმული დიდი ნაბიჯია. ამჟამად საკუთარი სერვისებისთვის SWIFT GPI-ი 165 ბანკს იყენებს.

  SWIFT GPI-ს სამ საკვანძო ფუნქციას წარმოადგენენ:

  GPI ტრეკერი;

  GPI მიმომხილველი;

  GPI კატალოგი.

  ტრეკერი დამუშავებადი გადარიცხვებისთვის და გადახდებისთვის სრულ თვალყურის დევნას უზრუნველყოფს.

  GPI მიმომხილველი წევრების მიერ GPI წესების გათვალისწნებას აკვირდება, რომლებიც გამჭირვალე ტრანზაქციული გადახდების შესრულებისთვისაა საჭირო.

  GPI კატალოგი GPI წევრ ბანკების სრულ სიას შეიცავს და კორპორაციებს და ფინანსურ დაწესებულებებს ავტომატური დაგეგმარების მეთოდების გამოყენების საშუალებას აძლევს.

  SWIFT GPI-ის შემქმნელი ასევე ცდილობს გააუმჯობესოს ბაზრის ინფრასტრუქტურა შიდა და საერთაშორისო გადახდებს შორის თავსებადობის მიღწევისთვის.

  მეორეს მხრივ Ripple-ს გადანაწილებული რეესტრების ტექნოლოგიით არის შექმნილი და ILP პროტოკოლით გაფართოებული სტრუქტურა აქვს, რომელიც მასშტაბირების და თავსებადობის პრობლემების გადაჭრისთვის არის შემუშავებული. Ripple-ის პროდუქტთა ფართო არჩევანი მრავალი ტექნოლოგიისგან და საგადამხდელო სისტემისგან შესდგება - Ripple Net, xCurrent, ILP, xRapid, xVia. გადახდების დამუშავების სფეროში ეს ტექნოლოგიები რევოლუციურია და სწორედ ამიტომ განიხილება SWIFT-ის მონოპოლიის წინააღმდეგ მიმართულ მთავარ კონკურენტად. Ripple-ის საგადამხდელო სისტემის გამოყენების შემთხვევაში, მომხმარებლის მიერ ტრანზაქციის შესრულებას მხოლოდ ორიოდე წამი ჭირდება. მაშინ როდესაც SWIFT GPI-ის შემთხვევაში ეს ხანგრძლივობა 30 წუთიდან 24 საათამდე იზრდება.

  სწორედ Ripple-ის გამოჩენამ აიძულა SWIFT-ი ახალ საგადამხდელო სისტემებზე დაეწყო ფიქრი. აქამდე, კონკურენტის არარსებობის პირობებში, ყველა ნაკლსა და ხარვეზზე კომპანია უბრალოდ თვალს ხუჭავდა. ეს სასიხარულო ამბავი იქნება იმ საწარმოებისთვის, რომლებიც SWIFT GPI-ის არაეფექტური მუშაობის გამო ზარალდებოდნენ. SWIFT GPI და Ripple ორი განვითარებადი სფეროა საგადამხდელო სისტემების ბაზარზე, რომლებიც არსებული პრობლემების მოგვარებას განსხვავებული გზებით ცდილობენ. ამიერიდან, მსხვილ ფინანსურ დაწესებულებებს იმ კონკრეტული ტექნოლოგიის გამოყენება შეეძლებათ, რომელიც წარმატებული მუშაობისთვის უკეთ დააკმაყოფილებს მათ კონკრეტულ მოთხოვნებს.

  SWIFT-ის მონოპოლია სრულდება

По материалам https://finextra.com