დასავლური მედიის ინფორმაციით, კომპანია Samsung კრიპტოვალუტის სერვისზე მუშაობს, რომელიც Galaxy S10-სთან ერთად ჩაეშვება.
ეს სერვისი თავდაპირველად ორი ნაწილისგან იქნება შემდგარი - კრიპტოვალუტის შესანახი ცივი საფულისგან, საჯარო და პრივატული გასაღებისგან, ასევე სახსრების გადარიცხვისა და ინფორმაციისა და ტრანზაქციის ისტორიის სანახავად განკუთვნილი კრიპტოვალუტური საფულისგან. საფულეების დასახელება ჯერ არ საჯაროვდება.
ცივი შენახვისთვის განკუთვნილი Samsung-ის აპლიკაცია მომხმარებლებს Metamask-ისა და TrustWallet-ის მსგავსი გარე სერვისებიდან არსებული საფულეების იმპორტის საშუალებას მისცემს. მომხმარებლებს ასევე ახალი საფულის პორდაპირ აპლიკაციაში შექმნა შეეძლებათ. კრიპტოვალუტები, რომლებიც თავდაპირველად იქნება მხარდაჭერილი - Bitcoin, Ethereum, ERC20 ტოკენები და Bitcoin Cash-ია.
აპლიკაციაში შექმნილი სააღრიცხვო ჩანაწერების შესახებ ინფორმაცია ბლოკჩეინზე სრული ანონიმურობის დაცვით იქნება შენახული. მომხმარებლის ანგარიშისადმი წვდომის აღდგენის ერთადერთი საშუალება 12-24 სიტყვისგან შემდგარი საიდუმლო ფრაზა იქნება. მომხმარებლები ამ ფრაზის უსაფრთხოდ შენახვაზე პასუხს აგებენ, ვინაიდან მის გარეშე კრიპტოვალუტური ანგარიშის აღდგენა შეუძლებელი იქნება.
აპლიკაციას უსაფრთხოების რამდენიმე დონე ექნება და ის აუტენტიფიკაციას მოითხოვს. ვინაობის დადასტურების ვარიანტები ჯერ ბევრი არ არის - თითის ანაბეჭდი ან პინ-კოდი, და ეს მორიგი დასტურია იმის, რომ Samsung თავის ახალ Galaxy S10-ში თვალის ბადურის სკანერს არ გამოიყენებს.
По материалам www.sammobile.com
Читайте также
მომხმარებლებს Electrum-ზე ფიშინგური შეტევა დაახლოებით 250 BTC დაუჯდა
27 დეკემბერს რამოდენიმე ადამიანმა თავის სოციალურ ქსელში დაწერა, რომ საფულეებს ჰაკერები თავს დაესხნენ, და მათ დაახლოებით 250 ბიტკოინის მოპარვა შეძლეს (დაახლოებით $937 000). მოგვიანებით შეტევა კომპანია Electrum-მაც დაადასტურდა. მისი წარმომადგენლების თქმით, ჰაკერმა საფულის ყალბი ვერსია შექმნა, რათა ნამდვილი საფულეების მომხმარებლების პაროლი გაეგო.
ბაზარი Trezor One-ის ყალბი სააპარატო საფულეებით დაიტბორა
Trezor-ის სააპარატო საფულეს მწარმოებელი გვაფრთხილებს, რომ მისი ერთ-ერთი მოდელი - Trezor One, კლონირებულია და იგი მეორად ბაზარზე გადაიყიდა. იმიტაციის მწარმოებელი, რომელიც ორიგინალს ძალიან ჰგავს, კომპანიისთვის უცნობია.