ინფორამაციის თანახმად, რომელიც Gemini-ს დირექტორმა და თანადამფუძნებელმა ტაილერ უინკლვოსმა გაავრცელა, 2018 წლის 11 დეკემბერს ბირჟამ ОС iOS და Android სისტემებისთვის Gemini-ის მობილური აპლიკაცია გამოუშვა.
Gemini-ის მობილური აპლიკაცია ისეთი ფუნქციებით არის აღჭურვილი, რომლებიც ვაჭრობის პროცესს და კრიპტოვალუტის შენახვას გაამარტივებს. მარტივი და ინტუიციურად გასაგები აპლიკაციის UX-ინტერფეისი, უსაფრთხოების მაღალი დონის თანხლებით, გამოყენებაში საკმაოდ მარტივი იქნება, მათ შორის, კრიპტოვალუტური სექტორის ახალი მონაწილეებისთვისაც კი.
აპლიკაციის მრავალდონიანი დაცვა ორფაქტურიან აუტენტიფიკაციას მოიცავს და დამატებით PIN-კოდით არის აღჭურვილი, რომელიც კლიენტმა სისტემაში შესასვლელად უნდა დაიმახსოვროს.
აპლიკაცია მომხმარებელს საშუალებას აძლევს, რეგისტრაციის შემდეგ, ერთი თითის დაჭერით კრიპტოვალუტა იყიდოს, გაყიდოს და შეინახოს. გარდა ამისა, მომხმარებელი კრიპტო-პორტფელის საბაზრო ღირებულებას ადვილად ადევნებს თვალყურს, შეამოწმებს გარკვეული კრიპტოვალუტის ფასს. ამასთანავე მიიღებს ისეთ მონეტებზე, როგორებიცაა bitcoin, ether, bitcoin cash და Zcash-ი ფასების შესახებ ქრონოლოგიურ მონაცემებს, მათი რეგისტრაციის მიუხედავად. რეალური დროის რეჟიმში ფასების კონტროლი კლიენტს საშუალებას აძლევს თავისი პორტფელის ყველა ცვლილების შესახებ მიიღოს ინფორმაცია.
გარდა ამისა, აპლიკაციას აქვს ფასის ცვლილებაზე სპეციალური შეტყობინების დაყენების ფუნქცია, რომელიც ფასის გარკვეული პროცენტით შეცვლის შემთხვევაში, მომხარებელს შეტყობინებას გაუგზავნის. ფუნქცია „განმეორებითი ყიდვა“ შეკვეთის ნებისმიერი სიხშირით და რაოდენობით განმეორების შესაძლებლობას იძლევა.
როგორც ჩანს, ბაზარზე შექმნილი სიტუაცია, რომელმაც ბევრი მოთამაშე ბაზრიდან გაიყვანა, ძმებს უინკლვოსებს საერთოდ არ შეეხო და ისინი, კრიპტოვალუტის სამომავლო პოტენციალს კვლავაც მხარს უჭერენ . აღნიშნული აპლიკაციის გაშვების გარდა, სექტემბერში ძმებმა სტაბილური ტოკენი Gemini Dollar-ი გამოუშვეს, რომელიც აშშ დოლარზე არის მიბმული.
თუ რა ელოდება ტყუპ-მილიონერ ძმებს მომავალში - უცნობია, მაგრამ მათ კრიპტოვალუტით ფულის შოვნა ჯერ კიდევ შეუძლიათ, განსაკუთრებით იმ შემთხვევაში, თუ SEC-ი ბოლოს და ბოლოს ბიტკოინ-ETF-ს აღიარებს.
მასალების მიხედვით btcmanager.com
უკანასკნელი სტატიები კატეგორიიდან გადაცვლა
