სომხური ჰოლდინგის Multi Group Concern-ი და კრიპტომომპოვებელი ინდუსტრიის შვედური ლიდერის Omnia Tech Limited-ის ერთობლივი ძალისხმევით, სომხეთში მსოფლიოში ერთ-ერთი უმსხვილესი კრიპტოვალუტის მომპოვებელი ცენტრი გაიხსნა.
არც ისე დიდი ხნის წინ ამოქმედებული ფერმა, სადაც თავდაპირველად ბიტკოინის (BTC) და Ethereum-ის (ETH) მოპოვებისთვის 3 000 დანადგარი განათავსეს, ინვესტორთა აზრით მსოფლიოში ერთ-ერთი უმსხვილესია. უახლოეს მომავალში, საწარმოს გაფართოების ფარგლებში კრიპტოაქტივების მოპოვებისთვის კიდევ 9 000 დანადგარის დამატება იგეგმება. პირველ ეტაპზე დატა-ცენტრს თბოელექტროსადგურიდან 50 მეგავატი ელექტროენერგია გამოეყოფა. სამომავლოდ ეს ციფრი 200 მეგავატამდე გაიზრდება.
დღევანდელი მდგომარეობით, 50 მილიონ აშშ დოლარად შეფასებულმა პროექტმა სომხეთი კრიპტომოპოვების მსოფლიო რუკაზე საკვანძო წერტილად უნდა აქციოს.
ინფრომაცია პროექტის შესახებ პირველად აპრილის თვეშ რობერტ ბელგემ გაახმოვანა და დასძინა, რომ Multi Group Concern-თან თანამშრომლობის გზით კომპანია მსოფლიოში უმსხვილეს კრიპტომომპოვებელ ფერმას შექმნიდა. ადგილობრივმა პარტნიორმა Multi Group Concern-ის სახით, ინფრასტრუქტურის მოწყობაზე და ტექნიკურ მხარდაჭერაზე პასუხისმგებლობა თავადვე იკისრა.
მსგავსი მასშტაბის კრიპტომომპოვებელი საწარმოს ამოქმედება, სომხეთისთვის წინ გადადგმული ნაბიჯია. გახსნის ცერემონიას ქვეყნის დედაქალაქში პრემიერ-მინისტრი ნიკოლ პაშიანი და Multi Group Concern-ის დამფუძნებელი გარიკ ცარუკიანი დაესწრნენ.
ღონისძიებაზე პრემიერ-მინისტრის ყოფნამ, კიდევ ერთხელ ხაზი გაუსვა სომხეთის მთავრობის მზადყოფნას კრიპტოინდუსტრიის სფეროს მხარდაჭერაში.
ენერგეტიკული ფერმებისთვის საჭირო ბუნებრივი რესურსების სიუხვის პირობებში, ევრაზიული ქვეყნები მაინინგური ბიზნესის განვთარებას სულ უფრო მეტად ემხრობიან. სომხეთის მეზობელი საქართველო კრიპტომოპოვების, ბლოკჩეინ-პროექტების და საერთაშორისო სამიტების ჩატარების სფეროში რეგიონში ერთ-ერთი უმსხვილესი მოთამაშე გახდა.
მოცემულ სფეროში საქართველოს სომხეთი ბევრად არ ჩამორჩება. ქვეყანაში აქტიურად განიხილება საერთაშორისო ბლოკჩეინ-პროექტების მხარდასაჭერად თავისუფალი ეკონომიკური ზონის შექმნის შესაძლებლობა.
ასევე წაიკითხეთ
ჩინეთის მანინგის კომპანიები შესაძლოა ელექტრო ენერგიის გარეშე დარჩნენ
ინცზიანის მეწარმეობისა და ვაჭრობის მმართველობამ, რომელიც საწარმოების კანონების შესაბამისობას და მოხმარებლების უფლებების დაცვას უზრუნველყოფს. იუნიანის პროვინციის ენერგომომარაგების სამმართველოდან ადგილობრივი მაინინგის კომპანიებს შეტყობინება გაუგზავნეს დარეგისტრირების აუცილებლობის შესახებ. წინააღმდეგ შემთხვევაში, მათ ენერგომომარაგება შეუწყდებოდათ, ოპერაციები კი ავტომატურად შეჩერდებოდა.
Bitfury IPO-სთვის ემზადება
ევროპაში ერთ-ერთი უმსხვილესი მაინინგის კომპანია - BItfury - საჯარო სტატუსის მიღებას განიხილავს. კომპანიის წარმომადგენლები რამდენიმე გლობალური ინვესტირების ბანკთან აწარმოებენ მოლაპარაკებას და გეგმავენ 2019 წლისთვის ვაჭრობა ამსტერდამში, ლონდონში ან ჰონკონგში დაიწყონ. IPO-ს შეუძლია კომპანიას დაეხმაროს $3-5 მილიარდის შეფასებას მიაღწიოს.
უკანასკნელი სტატიები კატეგორიიდან მაინინგი
