ვინ გამოიგონა ბლოკჩეინი?

ხალხმრავალ აუდიტორიაში ამ კითხვის დასმისას, ათეულობით დამსწრე ერთხმად წამოიყვირებს - „სატოში ნაკამოტო!“. პასუხი სწორია, თუმცა თუ დავფიქრდებით და ამ კითხვას სხვა მხრიდან შვეხედავთ, პასუხი არც ისე ცალსახა იქნება. ძველი ანდაზა – „ყველაფერი ახალი ეს კარგად დავიწყებული ძველია“ მოცემული შემთხვევის იდეალური შესატყვისია.

თუ ბლოკჩეინის გამოყენების მთავარ სფეროს - კრიპტოვალუტებს ცოტა ხნით გვერდზე გადავდებთ და სისტემას დეტალურად შევისწავლით აღმოჩნდება, რომ ბლოკჩეინი თვისობრივად მონაცემთა შენახვის დეცენტრალიზირებული ტექნოლოგიაა. მთავარი კი ისაა, რომ აქ სისტემის სასიცოცხლო ციკლის განმავლობაში დაგროვილი აფსოლუტურად ყველა მონაცემი ინახება. ინახება საკმაოდ საიმედოთ, მონაცემთა დამახინჯების მინიმალური შესაძლებლობით.

საგულისხმოა, რომ „დეცენტრალიზირებული შენახვა“ და „გადანაწილებული შენახვა“ თვისობრივად სხვადასხვა მცნებებია და ერთმანეთის ექვივალენტური არ არის.

მარტივი აღთქმისთვის მაგალითს მოგიყვანთ: დავუშვათ ადამიანების გარკვეულმა ჯგუფმა ბიბლიის დეცენტრალიზირებულად შენახვა გადაწყვიტა. ამისთვის ყოველი მათგანი წიგნის საკუთარ ეგზემპლიარს შეინახავდა. გადანაწილებული შენახვის შემთხვევაში კი - წიგნს ჯგუფში არსებულ ადამიანთა რაოდენობის გათვალისწინებით ტოლ ნაწილებად დაყოფდნენ და თვითოეული მხოლოდ ერთი წიგნის საკუთარ ნაწილს შეინახავდა.

საერთო ჯამში გადანაწილებული შენახვა ნაკლებ ადგილს და მოცულობას საჭიროებს, თუმცა დეცენტრალიზირებული ვარიანტი გაცილებით საიმედოა. თუ ასი ადამიანი ერთი წიგნის ას ეგზემპლიარს ინახავს, ყოველთვის შეიძლება დაკარგული ფურცლის აღდგენა ან ეგზემპლიარებს შორის ინფორმაციის სისწორის გადამოწმება.

ახლა კი ციფრული ტექნოლოგიების სამყაროდან ფლორასა და ფაუნაში გადავინაცვლოთ და იქ მიმდინარე პროცესებს დავაკვირდეთ. 

საშუალო სკოლის ბიოლოგიის წიგნში დაწვრილებით არის აღწრილი ადამიანი ემბრიოგენეზის პროცესი. „კოდი“, რომლითაც იწერება გენომი საერთო და დეცენტრალიზირებულია დედამიწაზე არსებული ნებისმიერი ორგანიზმისთვის. ანუ ჭიაყელა Caenoharbditis elegans-ს, მწერ დროზოფილას და თაგვსაც კი - ერთნაირი მეთოდით დაწერილი კოდი აერთიანებს. თუმცა განცვიფრებას არა მხოლოდ ეს იწვევს. ადამიანის და ჭიაყელას გენომების დაახლოებით 50 %-ი იდენტურია. თაგვების შემთხვაში გენურ დონეზე მსგავსება კიდევ უფრო დიდია და 80 %-ს აღწევს.

ევოლუციური თვალსაზრისით ყველაზე ახლო არსებებთან ადამიანს კიდევ უფრო ნაკლები სხვაობა აქვს. შიმპანზეს და ადამიანის გენომების 95 % სრულად იდენტურია. და მხოლოდ განსხვავებული 5 %-ი გვაქცევს ჩვენ ადამიანებად. და რომ არა ეს 5 % თქვენ ახლა სულ სხვა არსება იქნებოდით, სადმე არიკაში პალმის ძირში არხეინად იჯდებოდით და ბანანს შეექცეოდით.

ამრიგად გენომი ინფორმაციის კოდირების დეცენტრალიზირებული მეთოდია იმის თაობაზე, თუ როგორ ავაწყოთ კონკრეტული ბიოლოგიური სახეობის შესატყვისი ცოცხალი ორგანიზმი. ამასთან ერთად, კონკრეტული სახეობისთვის გენეტიკური ინფორმაცია არ არის მკაცრად ინდივიდუალური, რაზეც სხვადასხვა განსხვავებულ სახეობებს შორის გენომების მსგავსება მიუთითებს.

ცოცხალი ორგანიზმების სახეობების გენერაცია ანუ ევოლუცია ბლოკჩეინების ფორკების კონცეფციას ყველაზე მეტად გავს. კრიპტოვალუტის ცალკეული პარამეტრების ცვლილება ახალი სახეობას აყალიბებს, თუმცა ორიგინალური ჯაჭვის ინფორმაციასაც ინახავს.

ადამიანის დნმ-ი, ქრომოსომები, გენური სისტემა როგორც ასეთი - მსოფლიოში უძველესი და ბლოკჩეინ კონცეფციის წამატებული რეალიზაციის პირველი და ყველაზე ნათელი მაგალითია.  

რა თქმა უნდა ბუნების თუ სამყაროს შექმნელის (თქვენი რელიგიური შეხედულებებიდან გამომდინარე თავად გადაწყვიტეთ, რომელი ვარიანტია მისაღები) ქმნილება გაცილებით სრულყოფილია. მაგალითად გენომში თვითგადარჩენის და თავის დაცვის გზებია ჩადებული. თუმცა საერთო ჯამში ის ბლოკჩინის კლასიკურ იდეოლოგია მისი შესატყვისია. 

საერთო ჯამში - ყველაფერი ახალი ეს კარგად დავიწყებული ძველია