ბიტკოინის და ეთირიუმის მაინინგისთვის კომპანია Bithub Africa-მ მზის ენერგიის გამოყენება დაიწყო. კენიაში მდებარე მცირე მოცულობის მაინინგური საწარმოს დამფუძნებლისა და მთავარი აღმასრულებელი დირექორის ჯონ კარანიას განმარტებით, ის დარწმუნებულია, რომ მოცემული ტექნოლოგია მთელს აფრიკის კონტინენტზე გავრცელდება და გარემოსთვის მაინინგის ზიანის შესახებ არსებულ სტერეოტიპს დაამსხვრევს .
„ამჟამად, ჩვენ მზის ენერგიას კრიპტოვალუტის მაინიგისთვის ენერგიის წყაროს საიმედოობაზე ვამოწმებთ“ - განაცხადა კარანიამ 30 ოქტომბერს სააგენტო news.Bitcoin.com-სთვის მიცემულ ინტერვიუში. „ჩვენ მიღებულ მონაცემებს ვაანალიზებთ, თუმცა ცალსახაა, რომ ბოკჩეინ-ტექნოლოგია პლანეტის მასშტაბით განახლებადი ენერგიის წყაროების განვითარებას უწყობს ხელს“.
2015 წელს დაარსებული კომპანია Bithub Africa მზის პანელების გამოყენებით აფრიკის ტერიტორიაზე ბლოკჩეინ-გადაწყვეტილებების დანერგვით და გავრცელებით არის დაკავებული.
მთავარი პრობლემა, რომელსაც Bithub Africa შეიძლება წააწყდეს, მსგავსი სისტემების არასტაბილური მუშაობაა. ბიზნესი ფულს კარგავს, როდესააც ცაზე მზე არ ანათებს. მაინინგმა კი, მოგეხსენებათ, უწყვეტად უნდა იმუშაოს. გარკვეული მზის სისტემების გამოყენების შემთხვევაში, მაინერების კვება მზის პანალებში დაგროვილი ენერგიითაა შესაძლებელი.
აფრიკის რეგიონებში საყოფაცხოვრებო პირობებში მზის პანელებს უკვე ფართოდ იყენებენ. მაინინგის გავრცელებასთან ერთად, მოხმარებადი ენერგიის მზარდი მოცულობის გამო, გაიზარდა კრიტიკაც ამ სფეროს მიმართ. განახლებადი ენერგიის წყაროების გამოყენებას ბიძგი სწორედ ამ გარემოებამ მისცა. მიუხედავად ამისა, კარანია თვლის რომ მოცემული კრიტიკა სრულად უსაფუძვლოა.
„არც ისე დიდი ხნის წინ საზოგადოება მაინინგის მიერ დიდი რაოდენობით ელექტროენერგიის მოხმარებით უკმაყოფილო იყო და მასში გლობალური დათბობის ერთ-ერთ მიზეზს ხედავდა“ - დაწერა მან თავის წერილში. „ჩვენ ამ მოსაზრებას არ ვეთანხმებით და საპირისპირო აზრს ვემხრობით - ბლოკჩეინი და კრიპტოვალუტები ენერგეტიკის სფეროში სიახლეების დანერგვას შეუწყობენ ხელს“.
ასევე წაიკითხეთ
ბიტკოინის მოპოვებას ოქროს გამოდნობაზე მეტი ენერგია ესაჭიროება
ბიტკოინის მაინინგისთვის კომპიუტერების გამოთვლითი სიმძლავრის გამოყენება იმაზე მეტ ენერგიას მოითხოვს, ვიდრე ოქროს, პლატინისა და სხვა ძვირფასი ლითონების მოპოვებას სჭირდება. ამასთან, ვალუტის პოპულარობის ზრდასთან ერთად, გამოთვლებისთვის საჭირო ენერგიის დანახარჯიც იზრდება.
$3 მილიონის მოპარული ელექტრო ენერგია = $14.5 მილიონს ბიტკოინში
ტაივანელი მაინერი გვარად იანგი დააპატიმრეს და მთავრობამ ბრალად, კრიპტოვალუტაში 100 მილიონი იუანის ($14 500 00) არაკანონიერ მოპოვების გამო წაუყენა. იანგმა $3.2 მილიონის მოპარული ელექტროენერგია მაინიგისთვის გამოიყენა.
უკანასკნელი სტატიები კატეგორიიდან მაინინგი
