ორგანიზაციამ, რომელიც კანადის მკვიდრ ტომებს წარმოადგენს, გამოსასყიდის სახით ჰაკერს 20 000 აშშ დოლარის ღირებულების bitcoin გადაუხადა, რათა მის მიერ ორგანიზაციის კუთვნილი დაშიფრული ფაილებისადმი წვდომა დაებრუნებინა.
კანადის ტელე-რადიო სამაუწყებლო კორპორაციის ინფორმაციის თანახმად (CBC), კანადის ძირძველი მოსახლეობის ფედერაციამ (FSIN) ანონიმურ ჰაკერს, რომელმაც მათ კომპიუტერულ სისტემაში შეაღწია, 20 000 აშშ დოლარის ღირებულების bitcoin გადაუხადა. არსებული ინფორმაციის თანახმად, ჰაკერი FSIN-ის წარმომადგენლებს პირველად 5 თვის წინ ელექტრონული ფოსტის მეშვეობით დაეკონტაქტა. მან ფედერაციის ფაილებისადმი წვდომის აღსადგენად 100 000 აშშ დოლარის ღირებულების bitcoin გადახდა მოითხოვა.
ჰაკერმა ორგნიზაციის შიდა ფაილებსა და ელ. ფოსტებზე კონტროლი მთლიანად ჩაიგდო ხელში და თანამშრომლების წვდომაც მთლიანად აღკვეთა. მის ხელთ აღმოჩნდა კონფიდენციალური ინფორმაცია, რომელიც ფედერაციის კომპიუტერებში ინახებოდა, მათ შორის იურიდიული დოკუმენტები და ფედერაციის წევრების პირადი ინფორმაცია.
საინტერესო ის არის, რომ ჰაკერი დიდი ხნის განმავლობაში ვერავინ შეამჩნია და თუ როდის მოხდა სისტემაში შეღწევა - უცნობია. ასევე უცნობია ის, დაიტოვა თუ არა ჰაკერმა ინფორმაციის ასელები მას შემდეგ, რაც ჰაკერს გამოსასყიდი გადაურიცხეს. ფედერაციის წევრებისთვის სისტემაში შეღწევა მხოლოდ მაშინ გახდა ცნობილი, როდესაც მათ ჰაკერი გამოსასყიდის თაობაზე დაეკონტაქტათ. FSIN -ს აუდიტის და სახაზინო კომიტეტის ჩატარებულ საგანგებო სხდომაზე ერთიან შეთანხმებას ვერ მიაღწიეს.
პოლიციის საქმის კურსში ჩაყენება და ჰაკერული შეტევის შესახებ ინფორმციის გავრცელების ინიციტივა არ იყო რეალიზებული, ხოლო ჰაკერთან მოლაპარაკებები ჩიხში შევიდა, რადგან ორგანიზაციის წევრთა უმრავლესობას გამოსასყიდის გადახდა იმ მიზეზით არ სურდა, რომ ფაილებისადმი წვდომის დაბრუნების გარანტია არ არსებობდა.
შესაძლოა, ჰაკერი გამოსასყიდის გარეშეც დარჩენილიყო, რომ არა FSIN-ის ერთ-ერთი წევრის ინიციატივა. მან ჰაკერს ანონიმურად 20 000 აშშ დოლარის ღირებულების bitcoin გადაურიცხა. გადამხდელის ვინაობა ცნობილი არ არის, ორგანიზაცია კი მომხდარზე ოფიციალურ კომენტარს არ აკეთებს. ცნობილი მხოლოდ ის არის, რომ ფედერაცია თავისი კოლეგისგან თვითნებობის ახსნა-განმარტებას ითხოვს. საინტერესოა ის ფაქტიც, რომ ამ კიბერთავდასხმის შემდეგ ფედერაციამ კიბერუსაფრთხოების უზრუნველსაყოფად კერძო კომპანია დაიქირავა. ამ ეტაპზე ორგანიზაცია საშტატო რეჟიმში აგრძელებს მუშაობას.
ასევე წაიკითხეთ
ყალბი Facebook ექაუნთები თქვენი ბიტკოინების წართმევას ცდილობენ
ამ თვის განმავლობაში Facebook-ის ზოგიერთმა მომხმარებელმა შეამჩნია, რომ კომპანია Bitmain-მა, თავის „პარტნიორობის“ შესახებ ჩანაწერების კომენტარებში რეკლამა განათავსა, რომელშიც მომხმარებლებს კრიპტოვალუტური ტრანზაქციის შესრულებას სთავაზობს. პოსტი საეჭვოდ გამოიყურებოდა და გვერდის დაჰაკვის ეჭვიც მალევე გაჩნდა.
ბაზარი Trezor One-ის ყალბი სააპარატო საფულეებით დაიტბორა
Trezor-ის სააპარატო საფულეს მწარმოებელი გვაფრთხილებს, რომ მისი ერთ-ერთი მოდელი - Trezor One, კლონირებულია და იგი მეორად ბაზარზე გადაიყიდა. იმიტაციის მწარმოებელი, რომელიც ორიგინალს ძალიან ჰგავს, კომპანიისთვის უცნობია.
უკანასკნელი სტატიები კატეგორიიდან უსაფრთხოება
