Guardian-ის ინფორმაციით, ირანელი სტუდენტები, რომლებიც გაერთიანებულ სამეფოში სწავლობენ, ეკონომიკური სანქციების თავის არიდების მიზნით, ბიტკოინებს იყენებენ.
Guardian-ის ინფორმაციით, ირანელი სტუდენტები, რომლებიც გაერთიანებულ სამეფოში სწავლობენ, ეკონომიკური სანქციების თავის არიდების მიზნით, ბიტკოინებს იყენებენ. პარსა სადათი - რედინგის უნივერსიტეტის იურიდიული ფაკულტეტის ერთ-ერთი სტუდენტია, რომელიც, წინა თვეში აშშ-ს პრეზიდენტის დონალდ ტრამპის მიერ ირანის წინააღმდეგ დაწესებული სანქციების გამო, სწავლის საფასურს ვეღარ იხდის.
სადათი და მისი თანაკურსელები, სწავლის საფასურის გადაუხედლობის შემთხვევაში, სტუდენტური ვიზების გარეშე დარჩებიან. სადათის ოჯახს სწავლის გადახდის შესაძლებლობა აქვს, მაგრამ ისინი, დაწესებული სანქციების გამო, შვილს ფულს ვერ უგზავნიან.
უნივერსიტეტის ხელმძღვანელობა სადათს არდადეგებზე ირანში ჩასვლა და სწავლის საფასურის ჩამოტანა ურჩია, მაგრამ ასეთი დიდი თანხის (5 350 ფუნტი) ქეშად ირანიდან ჩამოტანა საკმაოდ სახიფათოა, რადგან დიდი ბრიტანეთის საგარეო საქმეთა სამინისტრომ მას მაღალი რისკის მქონე კლასიფიკაცია მიანიჭა. სადათის ერთ-ერთმა ლექტორმა მაი სატომ უნივერსიტეტს შექმნილი სიტუაციის გაპროტესტებისკენ მოუწოდა.
სანქციების ამოქმედების შემდეგ, ირანის კომერციული ბანკები SWIFT-ის ქსელიდან ამოიღეს. ამის შედეგად, ირანის ცენტრალური ბანკი მსოფლიოს ფინანსურ დაწესებულებებთან ვეღარ თანამშრომლობს.
სანქცების მიუხედავად. დიდი ბრიტანეთი ირანულ კომპანიებთან საბანკო ურთიერთობების გაგრძელებას ცდილობს. პრემიერ-მინისტრის პრეს-მდივანმა განაცხადა, რომ ის „წუხს აშშ-ს მხრიდან სანქციების განახლების გამო“. მისი თქმით, ქვეყანა მზად არის ირანთან ვაჭრობა განაახლოს, კომერციული ბანკების წინაღმდეგ ამოქმედებული სანქციების მიუხედავად.
სანამ დიდი ბრიტანეთის მთავრობა გადაწყვეტილებას მიიღებს, ზოგმა სტუდენტმა გამოსავალი იპოვა. როგორც ადგილობრივი ახალი ამბების სააგენტოს IranWire.com-ის რედაქტორმა მაზიარ ბაჰარიმ The Guardian-თან საუბრისას განაცხადა, სტუდენტები ირანიდან ფულის მისაღებად „ბიტკოინებს და სხვა კრიპტოვალუტას“ იყენებენ.
მასალების მიხედვით https://bitcoinmagazine.com/articles
ასევე წაიკითხეთ
Bitcoin-ის დინამიკის ანალიზი შექმნიდან მხარდაჭერის არსებულ საფასო დონემდე
ჩვენს მიმოხილვაში Bitcoin-ის ფასების მოძრაობის უფრო დეტალურად განხილვა გვსურს, მისი შექმნის მომენტიდან იმ მხარდაჭერის დონემდე, რომელიც ახლა BTC-ს 2018 წლის მინიმუმამდე შემცირებისგან აკავებს.
არის თუ არა ბიტკოინი პირამიდა?
Bitcoin-ქსელის პირველი გენეზის-ბლოკი 2009 წლის იანვარში დაგენერირდა. მას შემდეგ უკვე 9 წელი გავიდა და, დღემდე, არსებობენ ე.წ. „ექსპერტები, რომლებიც დაობენ: არის თუ არა კრიპტოვალუტა ფინანსური პირამიდა. Bitcoin-ის სწრაფი ზრდა და, ამ სისტემაში ადრეულ პერიოდში ჩართული პირების სწრაფი გამდიდრება, 90-იან წლებში გავრცელებულ პირამიდას ჰგავს.
უკანასკნელი სტატიები კატეგორიიდან Bitcoin
