კრიპტოვალუტა საკუთარი ხელებით: ახლა კი ცოტა სერიოზულად

ტოკენ-სატყუარას შექმნა ჩვენ უკვე განვიხილეთ. ამჯერად კი იმის გარკვევას ვეცდებით, სრულყოფილი კრიპტოვალუტის შესაქმნელად რა არის საჭირო.

იმ კომპონენტებით დავიწყებთ, რომელთა რეალიზებაა აუცილებელი.

პირველ რიგში, ჩვენ მონაცემთა შენახვის მოდელი დაგვჭირდება. Blockchain მზა ტექნოლოგია კი არა, უფრო იდეოლოგიაა.

მეორე, ჩვენ ისეთი კრიპტოგრაფიკული სისტემის რეალიზება დაგვჭირდება, რომელიც ციფრულ ხელმოწერას შეასრულებს.

როგორც წესი, კრიპტოვალუტის შემქმნელები მზა ალგორითმებს (მაგალითად bitcoin-ისთვის SHA-256-ს) იყენებენ, ხანდახან მასში უმნიშვნელო ცვლილებების შეტანით.

და ბოლოს, ქსელის კვანძებს შორის ქსელური ურთიერთქმედების რეალიზაციაა საჭირო. ქსელისთვის მნიშვნელოვან ელემენტს მისი გადანაწილება და ცენტრალური სერვერის ავლით კვანძებს შორის კავშირი წარმოადგენს.

რა თქმა უნდა, თუკი ჩვენ კომერციულად წარმატებული ტოკენის შექმნას არ ვისახავთ მიზნად და უბრალოდ პროცესის ზოგადი გაგება გვსურს, მზა ბიბლიოთეკების გამოყენება და პროგრამირების ნებისმიერი ენის გამოყენება საკმარისი იქნება. ცნობილია შემთხვევები, როდესაც კრიპტოვალუტის პროტოტიპი PHP-ზე იწერებოდა - ენაზე, რომელიც blockchain-პროექტის შექნისთვის სრულიად შეუსაბამოა.

ამ საბაზო კომპონენტებიდან გამომდინარე, ჩვენ არჩევანის გაკეთება მოგვიწევს:

ან კრიპტოგრაფიაში, ქსელურ პროტოკოლებში, მონაცემთა დაცვის სისტემებში გარკვევა და პროგრამირების სერიოზული კროს-საპლატფორმო ენის (С/С++, Golang, Rust) ცოდნა. ეს იმ შემთხვევაში, თუკი ჩვენ პროექტის აწყობას მთლიანად დამოუკიდებლად ვგეგმავთ. მაგრამ მგონია, რომ თუკი თქვენ ცოდნის ასეთი მოცულობა გაგაჩნიათ - ეს სტატია თქვენთვის ნამდვილად არ არის.

მეორე ვარიანტი: თუკი თქვენ თვალსაწიერ ვადებში blockchain-სისტემის რეალიზება გსურთ, მაგრამ ზემოთ აღწერილი ცოდნა თქვენი ძლიერი წერტილი არ არის, მაშინ თქვენ პროფესიონალი პროგრამისტებისგან შემდგარი გუნდის შეკრება მოგიწევთ, რომელთაც ასეთი ცოდნა გააჩნიათ. IT- საზოგადოებაში კვალიფიკაციის ასეთ დონეს “Senior” ეწოდება, და კვალიფიკაციიდან გამომდინარე, ასეთი დონის სპეციალისტები თვეში $2000 ან მეტი, ალბათ უფრო მეტი დაგიჯდებათ. ასეთი სისტემების ნოლიდან შემუშავება, (პირველი სიცოცხლისუნარიანი საჯარო ვერსიის გამოსვლის მომენტამდე), 3-4 ადამიანისგან შემდგარი გუნდის მუშაობის პირობებში, სავარაუდოდ, ნახევარ წელიწადს გასტანს. ამგვარად, შემუშავების ღირებულება $40 000 და მეტს შეადგენს.

რა თქმა უნდა, დეველოპერების კლასიკური გუნდის შეკრების საშუალება ყოველთვის არსებობს, მაგრამ გუნდი უფრო დიდი იქნება, პროექტის საბოლოო ღირებულება კი მხოლოდ გაიზრდება.  

და ბოლოს, ყველაზე მნიშვნელოვანი.  

შემუშავებაზე ათეულობით ათასი დოლარის დახარჯვა, შესანიშნავი სამუშაო პროცესის ორგანიზება, ბრწყინვალე სარეკლამო მასალების დამზადებაა შესაძლებელი, მაგრამ ფინალურ სტადიაზე შესაძლოა თქვენ ისეთივე “შითკოინი” მიიღოთ, რომლის პრაქტიკული ღურებულება წინა სტატიაში აღწერილისგან შორს არ იქნება წასული.

ნებისმიერი კრიპტოვალუტა - მომხმარებლების გარეშე არაფერია. არაფერია “ქომიუნითის” გარეშე, რომელიც მზადაა ის განავითაროს, მაინინგით დაკავდეს, და ბოლოს, პირდაპირი დანიშნულებით გამოიყენოს. ასეთი “ქომიუნითის” შექმნას კი პროგრამულ უზრუნველყოფასა და რეკლამასთან არაფერი აქვს საერთო.  

იმისთვის, რომ ტოკენი საზოგადოებისთვის საინტერესო გახდეს, პირველ რიგში, ის რაღაც უნიკალურს, ახალ შესაძლებლობას უნდა სთავაზობდეს, რომელიც ბაზარზე ჯერ წარმოდგენილი არ არის და რომელსაც ზოგადად კრიპტოვალუტების განვითარებაში შეაქვს წვლილი.

- Bitcoin-მა თავად სიცოცხლისუნარიანი ციფრული გადანაწილებული ვალუტის პრინციპის დემონსტრირება მოახდინა და ბაზრის დამფუძნებელი გახდა.

-Litecoin, ვინაიდან თავდაპირველ კოდზეა დაფუძნებული, საზოგადოებისთვის გამოსაცდელ პლატფორმად იქცა, რომელზეც ახალ იდეებს ტესტავენ.

-Ethereum-მა გადანაწილებული ვირტუალური მანქანის და სმარტ-კონტრაქტების იდეა შესთავაზა.

-Dash, Zcash, Monero - ყველამ საკუთარი წვლილი საზოგადოებისთვის საინტერესო ახალი შესაძლებლობების დამატების გზით შეიტანა.

თუკი თქვენ ასეთი იდეა გაქვთ და თანამოაზრეებისა და ენთუზიასტების შეკრებას მოახერხებთ, რომლებიც ტექნიკურ რეალიზაციაში გაგიწევენ დახმარებას, მაშინ ბაზარზე კიდევ ერთო სასარგებლო ტოკენი გამოჩნდება.