დნეპროპეტროვსკის ოლქში მდებარე დასახლებაში ელიზავეტოვკა კრიპტოვალუტურ საინვესტიციო პორტფელთან ექსპერიმენტი გრძელდება. დასახლების მოსახლეობას პირველი დივიდენდები უკვე დაერიცხა.
ელიზავეტოვკის სოფლის თავმჯდომარემ მაქსიმ გოლოსნოიმ, ჯერ კიდევ გაზაფხულზე, კრიპტოვალუტაში Cardano (ADA) 534 დოლარის ოდენობის პირადი ინვესტიცია ჩადო და ელიზავეტოვკას ტერიტორიაზე მცოხვრებ თითო მოსახლისთვის ერთი კრიპტოერთეული შეიძინა. კრიპტოვალუტის შეძენა 14 ცენტად მოხდა. თვენახევრის შემდეგ გოლოსნოიმ შეძენილი მონეტების ნაწილი უკვე 0,39 აშშ დოლარად გაყიდა. შედეგად, არა მხოლოდ საწყისი კაპიტალი დაიბრუნა, არამედ გარკვეული მოგებაც ნახა და ინვესტიცია 1392 აშშ დოლარად აქცია.
ამჟამად კი თავმჯდომარემ მოსახლეობას დივიდენდებზე საკუთარი უფლების შესახებ შეახსენა. თითოეულ მოსახლეს 100 გრივნა ეკუთვნის.
კრიპტოენთუზიასტი პირველ მიღწეულ საინვესტიციო წარმატებაზე გაჩერებას არ გეგმავს. მისი აზრით, სოფლის მოსახლეობას ჯერ კიდევ აქვთ დარჩენილი კრიპტოვალუტა. შესაბამისად, „კრიპტოსოფლის“ თითოეულმა მოსახლემ, მომავალ წელს, დივიდენდების სახით, შეიძლება 2000-2000 გრივნა მიიღოს.
მომავალ წელს, მიღებული ფულით მოსახლეობა ადგილობრივი გზების შეკეთებას გეგმავს. გარდა ამისა, მაქსიმ გოლოსნოი იტოვებს იმედს, რომ ის შეძლებს კიევის ხელისუფლების დარწმუნებას მსგავს პროექტებში ბიუჯეტური სახსრები ჩადონ.
ეს ნაკლებად მოსალოდნელია, რადგან ქვეყანაში კრიპტოინდუსტრიის ლეგალიზების საკითხი წინ არ წაწეულა. სამი კანონპროექტი რადაში თავის განხილვის რიგს ელოდება. მუშავდება სხვადასხვა სამუშაო ჯგუფები და კონცეფციები, მაგრამ ციფრული აქტივებისთვის იურიდიული ბაზის შექმნის საკითხი მორიგჯერ გადაიდო.
ასევე წაიკითხეთ
$1 მილიონად შეძენილი ბიტკოინის ოპციონები მალე საერთოდ გაუფასურდება
ოპციონების, რომელიც სავაჭრო პლატფორმა LedgerX-ზე თითქმის $1 მილიონად, შარშან ბიტკოინის მაქსიმალური ღირებულების მიღწევამდე ერთი დღით ადრე, შეძენილი მოქმედების ვადა 2018 წლის 28 დეკემბერს იწურება. იმისთვის, რომ ინვესტორებმა, რომლებიც ბიტკოინის ფასის ღირებულების გაზრდას $50000-მდე ვარაუდობდნენ, მოგება ნახონ, აქტივის ფასმა 1400%-ით უნდა მოიმატოს.
ვისკი ბლოკჩეინზე? ყველაფერი შესაძლებელია
Fusion Whiskey-მ თავის პარტნიორებთან Adelphi Distillery-სთან ერთად, განცხადება გააკეთეს იმის შესახებ, რომ The Winter Queen - კოქტეილს გამოუშვებდნენ, რომელიც შოტლანდიურისა და ჰოლანდიური ალაოს ვისკის, ასევე, დამატებული ბლოკჩეინ ტექნოლოგიებით იქნება შედგენილი.
უკანასკნელი სტატიები კატეგორიიდან ეს საინტერესოა
