ბიტკოინის მაინინგისთვის კომპიუტერების გამოთვლითი სიმძლავრის გამოყენება იმაზე მეტ ენერგიას მოითხოვს, ვიდრე ოქროს, პლატინისა და სხვა ძვირფასი ლითონების მოპოვებას სჭირდება. ამასთან, ვალუტის პოპულარობის ზრდასთან ერთად, გამოთვლებისთვის საჭირო ენერგიის დანახარჯიც იზრდება.
მკვლევარებმა სხვადასხვა კრიპტოვალუტაში ერთი დოლარის მაინიგისთვის აუცილებელი საშუალო ელექტრომოხმარების მაჩვენებელი გამოთვალეს.
მათ აღმოაჩინეს, რომ Bitcoin-ის, Ethereum-ის, Litecoin-ისა და Monero-ს მაინინგი 17, 7, 7, 14 მეგაჯოულს საჭიროებს. შედარებისთვის, სპილენძის მოპოვებისთვის 4 მეგაჯოული, ოქროს - 5, პლატინისთვის კი - 7 არის საჭირო.
იშვიათი მიწათა ლითონების ოქსიდები, რომლებიც მობილურ ტელეფონებსა და სხვა ელექტრონიკაში გამოიყენება, საკუთარი ღირებულების ერთ დოლარზე 9 მეგაჯოულის ტოლ ენერგიის დანახარჯს საჭიროებს.
გამონაკლისს ალუმინი წარმოადგენს. ამ მეტალის 1$ ღირებულების დნობისთვის 122 მეგაჯოულს ხარჯავენ.
ასევე შეშფოთებას იწვევს გარემოზე კრიპტოვალუტების გავლენა. გავრცელებული ინფორმაციით, ცოტა ხნის წინ მეცნიერებმა ნაშრომები გამოაქვეყნეს, რომლის მიხედვითაც “ამ პერიოდის განმავლობაში მხოლოდ ამ ოთხი კრიპტოვალუტის მაინინგი 3-15 მილიონი ტონა CO2-ს გამოყოფის მიზეზი გახდა”.
კიდევ ერთი ბოლოდროინდელი კვლევა აფრთხილებს, რომ მაინინგის უზარმაზარი ფერმები ან პულები ზუსტად იგივე რაოდენობის ნახშირორჟანგს გამოიმუშავებს, რასაც ერთი წლის განმავლობაში დიდ ბრიტანეთში ყველა მანქანა ერთად აღებული. მეცნიერების თქმით, ეს შესაძლოა უახლოეს 15 წელიწადში გლობალური ტემპერატურის 2°C (3.6°F)-ით მომატების მიზეზი გახდეს.
ექსპერტების ინფორმაციით, დათბობის ასეთი დონე მთელს დედამიწაზე კატასტროფული გვალვებს, წყალდიდობებსა და ქარიშხლებს გამოიწვევს.
მასალების მიხედვით dailymail.co.uk
ასევე წაიკითხეთ
კენიელი მაინერები მზის ენერგიას იყენებენ
ბიტკოინის და ეთირიუმის მაინინგისთვის კომპანია Bithub Africa-მ მზის ენერგიის გამოყენება დაიწყო. კენიაში მდებარე მცირე მოცულობის მაინინგური საწარმოს დამფუძნებლისა და მთავარი აღმასრულებელი დირექორის ჯონ კარანიას განმარტებით, ის დარწმუნებულია, რომ მოცემული ტექნოლოგია მთელს აფრიკის კონტინენტზე გავრცელდება და გარემოსთვის მაინინგის ზიანის შესახებ არსებულ სტერეოტიპს დაამსხვრევს .
Intel-ი Bitcoin-ის ენერგოეფექტურ მოპოვებას აპატენტებს
ნახევარგამტარი ჩიპების წარმოების მსოფლიოში სიდიდით მეორე კომპანია Intel-ი „ენერგოეფექტური აპარატული ამაჩქარებლის“ გამოყენებით Bitcoin-ის მოპოვებაზე პატენტს მიიღებს. „ოპტიმიზირებული SHA256 Datapath“ პატენტის თანახმად, „მაღალი წარმადობის მქონე“ გამოგონება Bitcoin-ის მოპოვების პროცესზე ენერგიის დანახარჯს 15 პროცენტით შეამცირებს.
უკანასკნელი სტატიები კატეგორიიდან მაინინგი
