საბუღალტრო კომპანია NODE40, რომელიც ციფრულ ვალუტაში მიღებული შემოსავლების დაანგარიშებაზე ახდენს სპეციალიზაციას და ბიტკოინებში საგადასახადო ანგარიშვალდებულების მომზადებისთვის განკუთვნილი პროგრამული უზრუნველყოფის დეველოპერია, ელოდება, რომ აშშ-ს შიდა შემოსავლების სამსახური (IRS) რეკორდული რაოდენობის მოთხოვნებს გააგზავნის, რომელიც კრიპტოვალუტას უკავშირდება, ვინაიდან დარწმუნებულია, რომ უამრავი ინვესტორი საკუთარი ზარალის შესახებ გამოცხადებას გადაწყვეტს.
კრიპტოვალუტის ტრეიდერებს, რომლებიც 2018 წელს ფასების მნიშვნელოვანი ვარდნისგან დაზარალდნენ, ამჟამად ძლიერი სტიმული აქვთ იმისთვის, რომ საკუთარი საქმიანობის შესახებ ხელისუფლებას აცნობოს, რათა შემოსავლების სხვა საგადასახადო ვალდებულების კომპენსირება მოახდინოს.
თუმცა, Node40 აფრთხილებს, რომ ამას შესაძლოა ინვესტორებისთვის გრძელვადიანი შედეგები მოჰყვეს. მაგალითად, თუკი გადასახადების გადამხდელი ფინანსურ ბაზარზე ფასიანი ქაღალდების ან ციფრული აქტივების განსაკუთრებით დიდი ოდენობით დანაკარგის შესახებ იუწყება, შესაძლოა ის პირვანდელი ინვესტირებული სახსრების წარმომავლობის დადგენის მიზნით დაიკითხოს.
შემოსავლების არაზუსტ გათვლებზე დაფუძნებულმა დაანგარიშებამ შესაძლოა 40 პროცენტამდე დაჯარიმება გამოიწვიოს, საგადასახადო სასამართლოები კი უდანაშაულობის დამტკიცების ვალდებულებას მოქალაქეს, და არა IRS უტოვებს. ამიტომ მნიშვნელოვანია, რომ ადამიანებს, რომლებმაც წელს ციფრული დანაკარგების შესახებ გაცხადებას დააპირეს, ყველა ტრანზაქციის შესახებ, რომელშიც მათ მონაწილეობა აქვთ მიღებული, ჩანაწერი ჰქონდეთ, მათ შორის ზუსტი შემოსავლები და ზარალი, ასევე სწორი საკურსო სხვაობა.
გარდა ამისა, ციფრული აქტივებით ოპერაციების დაბეგვრის შესახებ ახალი კანონპროექტი მხოლოდ მომავალი წლის 1 იანვარს შედის ძალაში. თუკი 2018 წლის მანძილზე ციფრული გარიგებები “მსგავსი აქტივებით გაცვლას” უტოლდებოდა, დაბეგვრის შესახებ ამოტივტივებული ნიუანსები ტრეიდერებისა და ჰოლდერებისთვის სხვადასხვა იქნება.
გადასახადების გადამხდელის ციფრული აქტივების გათვალისწინებით, საგადასახადო დეკლარაციის შედგენისას ეს აუცილებლად ყურადსაღებია.
ასევე წაიკითხეთ
იაპონიამ კრიპტოვალუტური რეგულირების შესახებ ახალი ანგარიში გამოაქვეყნა.
იაპონიამ კრიპტოვალუტური რეგულირების შესახებ ახალი ანგარიში გამოაქვეყნა. ანგარიში პრობლემების გადაწყვეტის გზებს შეიცავს, რომლებზეც ამჟამად არსებული კანონები არ ვრცელდება. კერძოდ, ჰაკერული თავდასხმები, თვითრეგულირება, სავარაუდო დილერები, კონფიდენციალურობა და მარჟინალური ვაჭრობა.
ჩინეთის ინტერნეტის რეგულატორმა ბლოკჩეინ-კომპანიებისთვის ახალი რეგულაციები შეიმუშავა
პარასკევს, ჩინეთის კიბერსაწინააღმდეგო ადმინისტრაციამ (The Cyberspace Administration of China) დააანონსა კანონპროექტი, რომელიც ყველა ბლოკჩეინ ტექნოლოგიას ავალდებულებს დაიცვას ცენზურა, ასევე, მოითხოვოს მომხმარებლებისგან მათი რეალური სახელები და რეგისტრაციისას მითითებული საინდეტიფიკაციო კოდი. Soutch China Morning Post-ის ინფორმაციის თანახმად, კანონპროექტი საზოგადოებისთვის განსახილველად 2 ნოემბრამდე ღიაა.
უკანასკნელი სტატიები კატეგორიიდან რეგულატორები
