Tether-ი USDT-ის ფიატში პირდაპირი კონვერტირების საშუალებას კვლავ იძლევა

Tether-მა, სტეიბლკოინ USDT-ს ემიტენტმა განცხადება გაავრცელა, რომლის თანახმად: მათ  „განახლებული პლატფორმა გაუშვეს, რომელიც ახალი კლიენტების ვერიფიკაციის და Tether-ის ფიატში და უკანს გაცვლის პირდაპირ საშუალებას იძლევა“.

Tether-ის წარმომადგენლების თქმით, USDT-ს დიდმა პოპულარულობამ „გაუთვალისწინებელი მასშტაბებით“ ზრდა განაპირობა, რამაც, თავის მხრივ, „თავდაპირველი მოდელის მუშაობა არასტაბილური გახადა“. ამის გამო, კომპანიამ პლატფორმა Bitfinex-ს დახმარებისთვის მიმართა, რომელიც უფრო ფართო მოხმარებისთვის იყო შემუშავებული.

მიუხედავად იმისა, რომ, მას შემდეგ, რაც Bitfinex-დან ფულის გამოტანასთან შექმნილი სირთულეების გამო, Tether-ის რეპუტაცია საგრძნობლად შეილახა, სტაბილური მონეტების ბაზარზე ის მაინც წამყვან პოზიციებს იკავებს.

„საფულის ორიგინალური ვერსიის შესაქმნელად, სადაც ყველა ოპერაცია მესამე მხარეთა მონაწილეობის გარეშე იქნება შესაძლებელი“ კომპანიამ Deltec Bank & Trust Limited-თანაც დაამყარა მჭიდრო პარტნიორული ურთიერთობები. ახლახანს გავრცელებული ინფრომაციის თანახმად კი, გუშინდელი დღიდან ტრეიდერებს „Tether-ის ფიატში (1:1) მომენტალური კონვერტაციის საშუალება აქვთ, ხოლო უახლოეს მომავალში ისინი USDT-ს ყიდვასაც შეძლებენ“.

ამ ნიუსის უარყოფითი მხარე იმაშია, რომ, თუ გსურთ USDT-დან USD-ში Tether-ის ვებ-გვერდზე გადაცვლა, მინიმუმ 100 000 USDT გესაჭიროებათ. ამავე ინფორმაციის თანახმად, ახალი მოთხოვნები „Tether-ის ინვესტორების პროფესიონალური ინტერესების გათვალისწინებით“ მოხდა.

По материалам https://www.cryptoglobe.com