Bitfinex-ის ბირჟამ Bitcoin Cash-ის განცალკევებული ქსელის ტოკენებისთვის ბაზრის გახსნის შესახებ განცხადება გააკეთა. შესაბამისი ფორკი 15 ნოემბერსაა დაგეგმილი. ვაჭრობისთვის ტოკენები გამოშვებამდე ხელმისაწვდომია და მათ დოლარებთან და ბიტკოინებთან წყვილებში გვთავაზობენ (BAB/USD, BAB/BTC, BSV/USD და BSV/BTC). გასულ კვირაში Poloniex-მა ორი შემოთავაზებული ფორკით ვაჭრობა დაიწყო Bitcoin Cash – Bitcoin Cash ABC (BCHABC) და Bitcoin Cash SV (BCHSV).
გამომდინარე იქიდან, რომ საერთო ჯამში ფორკს ორ სხვადასხვა ქსელთან Bitcoin Cash ABC და Bitcoin Cash SV ექნება კავშირი, და ასევე იმ გარემოების გათვალისწინებით, რომ BCH-ის ბაზრებზე მოკლე მარჟინალური პოზიციების მოცულობის და რაოდენობის ზრდა შეიმჩნევა, ბირჟა Bitfinex-მა განცალკევებული ქსელის სასარგებლოდ გააკეთა არჩევანი. ამ ნაბიჯით მან მანიპულირების რისკი შეამცირა და ბაზარზე ოპტიმალური სიტუაციის შენარჩუნება შეძლო.
ამიერიდან Bitfinex-ი და Poloniex-ი ერთადერთი ბირჟებია, რომლებიც კლიენტებს ფორკების ტრეიდინგს გამოშვებამდე სთავაზობენ. ექსპერტთა აზრით, სპეკულაციური თავისებურების გამო, აშშ-ს მარეგულირებელი ორგანოების მხრიდან ამ ტოკენებმა გარკეული კითხვები შეიძლება გამოიწვიონ.
აშშ-ს ფასიანი ქაღალდების და ბირჟების კომისიის დასკვნის თანახმად, სპეკულაციურ მოკლე გაყიდვებში „გამყიდველი სესხულობს ან უზრუნველყოფს ფასიანი ქაღალდების სესხებას დროით, რომელიც არ არის საკმარისი აქტივის მყიდველისთვის გადაცემისთვის, სტანდარტული სამდღიანი პერიოდის განმავლობაში“. 2008 წლის ფინანსური კრიზისის შემდეგ, SEC-მა აშშ-ს ტერიტორიაზე დაუფარავი მოკლე გაყიდვების პრაქტიკა აკრძალა.
მიმდინარე კვირაში Bitcoin Cash-ის ფორკზე გამდიდრების პერსპექტივა არარეალური აღმოჩნდა, ვინაიდან ტრეიდერებს და ინვესტორებს მის რეალობაში ეჭვი შეეპარათ - მოცემული ჰეშ-ომი ხაფანგია თუ რეალური შესაძლებლობა. მსოფლიოში სიდიდით მე-4-ე კრიპტოვალუტა ერთ დღეში თითქმის 1 %-ით გაიზარდა და 528,01 აშშ დოლარის ნიშნულს მიუახლოვდა. შესაბამისად მისი საბაზრო კაპიტალიზაცია 9,22 მლრდ დოლარის ზღვარზეა.
მასალების მიხედვით sludgefeed.com
ასევე წაიკითხეთ
OKEx-ი მარჟინალური ვაჭრობის შესაძლებლობებს აფართოებს
კორპორაცია OKEx-ის განცხადებით, რომელიც პოპულარულ კრიპტოვალუტურ პლატფორმას წარმოადგენს, მარჟინალური ვაჭრობისთვის მას მოქმედებაში ახალი სავაჭრო წყვილები - XRP/BTC და LTC/BTC შეყავს. მომხმარებლებისთვის ახალი ტრეიდინგი UTC-ის დროით 07:00-ზე გახდა ხელმისაწვდომი. ჰონკონგის ბირჟის განმარტებით, გაფართოებას მარჟინალური ვაჭრობის მზარდი პოპულარობა და შესაბამისად - მზარდი მოთხოვნა უძღოდა წინ.
ბირჟა Poloniex-ი შეღავათიან ტრეიდინგს USDC ახანგრძლივებს
როგორც ადრე ვწერდით, სტაბილური მონეტების ომში ბირჟა Poloniex-ი მონაწილეობა ცალსახაა, განსაკუთრებით იმის გათვალისწინებით, რომ ბირჟამ მიიღო გადაწყვეტილება მის პლატფორმაზე ტოკენის USDC გამოყენებისთვის საფასური არ მიიღოს. ნოემბერში USDC ვაჭრობა ყოველგვარი საკომისიოს გარეშე მიმდინარეობდა. ბირჟის მონაცემებით, დაურიცხავი საკომისიოს ჯამურმა ღირებულებამ 500 000 აშშ დოლარზე მეტი შეადგინა.
უკანასკნელი სტატიები კატეგორიიდან ბირჟები
