Facebook Inc-ი ისეთი კრიპტოვალუტის შექმნაზე მუშაობს, რომელიც მომხმარებლებს ფულადი გზავნილების განხორციელების საშუალებას WhatsApp დანართის მეშვეობით მისცემს. პირველ რიგში, მხედველობაში ინდოეთის ბაზარი მიიღება. Facebook-ი ჯერ საკუთარი სტეიბლკოინის გამოშვების სტრატეგიაზე მუშაობს, კასტოდიანის ძებნით არის დაკავებული და მონეტის უზრუნველმყოფი ფიატის შენახვის მეთოდებს განიხილავს.
ყველა დიდი ხანია ელის, რომ Facebook-ი გადადგამს ნაბიჯს საფინანსო სერვისების სფეროში იმის შემდეგ, რაც 2014 წელს კომპანიამ PayPal-ის ყოფილი პრეზიდენტი დევიდ მარკუსი თავის დანართის Messenger-ის გასაშვებად დაიქირავა. მაისში მარკუსი კომპანიის ბლოკჩეინ-ინიციატივების განყოფილების ხელმძღვანელი გახდა. LinkedIn-ში მითითებული მონაცემების თანახმად, Facebook-ის ბლოკჩეინ-პროექტების განყოფილებაში დაახლოებით 40 ადამიანი მუშაობს. ისევე როგორც ბევრი სხვა კომპანია, Facebook-ი განაწილებული რეესტრების ტექნოლოგიის შესაძლებლობების კვლევით არის დაკავებული.
მობილური შეტყობინებების დაშიფრული დანართი WhatsApp-ი ინდოეთში პოპულარობით სარგებლობს და 200 მილიონზე მეტ მომხმარებელს ითვლის. ქვეყანა, ასევე, ფულად გზავნილებშიც ლიდერობს-2017 წელს, მსოფლიო ბანკის განცხადების მიხედვით, ინდოელებმა საკუთარ ქვეყანაში 69 მილიარდი დოლარი გადარიცხეს.
შარშან სტაბილურ მონეტებთან დაკავშირებული კრიპტო-პროექტების ბუმი შეიმჩნეოდა. რაღაც მომენტში, ვებ-გვერდ Stable.Report-ის მონაცემებით,რომელიც სტაბილურ ტოკენებს თვალყურს ადევნებს, ასეთი პროექტების რაოდენობამ 120-ს მიაღწია. სტაბილური მონეტის კონცეფცია მის ფიატზე მიბმაში მდგომარეობს, რაც მონეტას ნაკლებად მერყევს ხდის.
Facebook-ს, რომელსაც 2,5 მილიარდი მომხმარებელი ჰყავს მთელ მსოფლიოში, 40 მილიარდ დოლარზე მეტი წლიური შემოსავალი, რეგულირების საკითხების გადაწყვეტის მდიდარი გამოცდილება - წარმატებული სტეიბლკოინის შექმნის ყველა შანსი აქვს. ეს იქნება პირველი მსხვილი ტექნოლოგიური კომპანია , რომელიც ასეთ პროექტს გაუშვებს.
Facebook-ი ინდოეთში ზრდის უზარმაზარ პოტენციალს ხედავს, რადგან ქვეყანაში 480 მილიონი ინტერნეტ-მომხმარებელია, ხოლო 2022 წლისთვის ეს რიცხვი Forrester Research Inc.-ის პროგნოზის მიხედვით, 737 მილიონს მიაღწევს.
მასალების მიხედვით https://www.bloomberg.com
ასევე წაიკითხეთ
Western Union-ი კრიპტოვალუტური სერვისების დანერგვას განიხილავს
ფინანსურ ბაზარზე ბევრი სტარტაპი გამოჩნდა, რომლებიც მომხმარებელს ფულადი გზავნილების განხორციელებას კრიპტოვალუტის გამოყენებით სთავაზობს. მიუხედავად ამისა, Western Union-ი აცხადებს, რომ მრავალწლიანი გამოცდილება, შეულახავი რეპუტაცია და საკითხის სიღრმისეული ცოდნა, მათ ამ ბაზარზე ლიდერებად აქცევს.
SWIFT-ი ბლოკჩეინზე ახალ სისტემას ტესტავს
ბლოკჩეინზე ბანკთაშორისი ფინანსური სისტემა SWIFT-ის ახალი საპილოტე ვერსია ამოქმედდა. ის მოძველებული სისტემების ხარვეზების და შეცდომების გამო გადახდებში არსებული შეფერხებების აღმოფხვრისათვის არის გამიზნული.
უკანასკნელი სტატიები კატეგორიიდან გადახდის სისტემები
