ბაზრის მიმდინარე დათვური ტრენდი, რომელიც ნოემბერში დაიწყო, Ethereum-ის ყველაზე დიდ ვეშაპებს საერთოდ არ შეეხო. Diar-ის 2018 წლის 3 დეკემბერს გამოქვეყნებული ანგარიშის თანახმად, ეს წელიწადი, ვაჭრობაში აქტიურად ჩართული ვეშაპებისთვის, ყველაზე მომგებიანი იყო. Diar-ის ინფორმაციით, წლის ბოლოსთვის ვეშაპების კრიპტოაქტივები 80% გაიზარდა.
ნოემბრის ბოლოსთვის რამოდენიმე Ethereum-ის მისამართი თავის ბალანსზე 20 მილიონამდე ETH ფლობდა. ამავე მისამართებზე 2018 წლის დასაწყისში 11 მილიონი, ხოლო 2017 წლის დასაწყისში სულ რაღაც 5 მილიონი ETH იყო.
ანგარიშის თანახმად, მსხვილი მესაკუთრეების აქტივების ზრდა, შესაძლოა დაკავშირებული იყოს ინვესტორების მხრიდან ICO-ზე ტოკენებით ვაჭრობის შეწყვეტასთან. ტოკენების უმრავლესობა ETH-ზე იყო მიბმული, რომელიც წლის დასაწყისიდან პოზიციებს თმობდა. წლის განმავლობაში ETH-ის მარაგის ფასი $21 მილიარდიდან $2.3 მილიარდამდე დაეცა. ამასთან, ვეშაპთა მისამართები 30% შემცირდა.
ვეშაპების აქტივების ზრდის მიუხედავათ, მოგების უმეტესი ნაწილი (დაახლოებით 90 %) მათ 2018 წლის პირველი კვარტლის განმავლობაში მიიღეს. კვარტალური მონაცემებით თუ ვიმსჯელებთ, ვეშაპების ბალანსი 2017 წლიდან უარყოფით შედეგს გვიჩვენებს. თუმცა, 2018 წლის ბოლო კვარტალში, რომელიც ჯერ არ დასრულებულა, უარყოფითი ტრენდის შეწყვეტა სავსებით შესაძლებელია, რადგან მესამე კვარტალთან შედარებით, მეოთხე კვარტალი უკვე 270% უფრო მომგებიანი აღმოჩნდა.
მასალების მიხედვით btcmanager.com
ასევე წაიკითხეთ
ვიტალიკ ბუტერინმა $300 000-ის საახალწლო საჩუქრები დაარიგა
ვიტალიკ ბუტერინმა სანტა-კლაუსის ქუდი მოირგო და საახალწლო საჩუქრების დარიგება უკვე დაიწყო. ქსელ Еthereum-ის მომდევნო ვერსიის შექმნაზე მომუშავე სამი სტარტაპის მხარდასაჭერი $300 000 მის ტომარაში უკვე მოიძებნა.
ომის იარაღს 150 ათას დოლარად დამარხავენ
ომის იარაღს 150 ათას დოლარად დამარხავენ. 2016 წლის ივლისში, როდესაც ჰაკერულმა თავდასხმამ მთელი ბლოკჩეინის დეცენტრალიზაციის ნამდვილი ბუნება ეჭვის ქვეშ დააყენა, Ethereum-ის ფონდს ნაწილი გამოეყო და საკუთარი კრიპტოვალუტა - Ethereum Classic (ETC) ჩამოაყალიბა. საკმაოდ გასაკვირია, რომ Ethereum-ის ფონდმა ETC-თვის Ethereum Classic-ის ფონდში $150 000 გაიღო.
უკანასკნელი სტატიები კატეგორიიდან Ethereum
