გაჭიანურებული დათვური ტრენდის შედეგებმა პირველი ნაყოფი გამოიღო. წინა კვირაში მუშაობის შეწყვეტის შესახებ განცხადება Ethereum Classic-ის დეველოპერების ძირითადმა გუნდმა ETCDEV-მ (Ethereum Classic Development Company) გააკეთა.
თავდაპირველი ოფიციალური ვერსია, ბაზრის ძლიერი დაცემის გამო, გუნდის ფინანსურ პრობლემებთან არის დაკავშირებული. ბოლო კვირის განმავლობაში ამ ვერსიას ახალ-ახალი ჭორები და დეტალები შეესხა, რომლებმაც მიმდინარე მოვლენების ჭეშმარიტი მიზეზები გამოააშკარავეს.
ვერსია პირველი: უიღბლოებო, ჩამოგვცილდით!
ოქტომბრის დასაწყისისთვის პროექტის სახსრები ამოწურული იყო და ETCDEV-ს დამფუძნებელმა იგორ არტამონოვმა განაცხადა, რომ სახსრების მოზიდვა კომპანიამ დათვური ბაზრის გამო ვერ შეძლო.
არტამონოვის მტკიცებით, ფინანსური დახმარებისთვის მას DFG-სა და ETC Labs-ისთვის მიმართვა მოუწია. მაგრამ, DFG -ის წარმომადგენლისათვის Krykoder-თან ადმინისტრაციული წვდომის დაშვების შემდეგ, გუნდის წვდომა გაუქმდა, და ასევე ყველა პროექტი დაკოპირებული აღმოჩნდა. ფაქტიურად, გუნდმა კოდზე კონტროლი დაკარგა.
ვერსია მეორე: „რეიდერული დაპყრობა“
ინფორმაციულ დაპყრობას, ETC Labs-ის ხელმძღვანელობით მუშაობის გაგრძელების წინადადება მოჰყვა. არტამონოვის მტკიცებით, ETC Labs-ი და DFG-ი დიდი ხანია უმიზნებდნენ პროექტის წამყვანი დეველოპერების პოზიციებს და ETCDEV-ს სირთულეები გუნდის სრული შემადგენლობით გადაბირების და ლიდერული პოზიციების გამყარების შესაძლებლობად აღიქვეს.
ვერსია მესამე: ფინანსების არაპროფესიონალური მართვა
ბოლო თვეების მონაცემებით, ETCDEV-ს მმართველი გუნდი დაშორდა პროექტის სხვა მონაწილეებს. მაკინტაირის და არტამონოვის ერთგულება Ethereum Classic-ის იდეოლოგიური პრინციპების მიმართ უფრო და უფრო ფანატიზმის სახეს იღებდა და სწორი ბიზნეს-გადაწყვეტილებების მიღებაში ხელს უშლიდა. აქტივების უმეტესი ნაწილის კრიპტოვალუტაში შენახვა დათვური ბაზრის პირობებში, სერიოზული ფინანსური დანაკარგების მიზეზი გახდა. გუნდის დახურვა, ბევრის აზრით,სწორედ ფინანსების არარაციონალურმა მართვამ გამოიწვია.
ასევე წაიკითხეთ
ომის იარაღს 150 ათას დოლარად დამარხავენ
ომის იარაღს 150 ათას დოლარად დამარხავენ. 2016 წლის ივლისში, როდესაც ჰაკერულმა თავდასხმამ მთელი ბლოკჩეინის დეცენტრალიზაციის ნამდვილი ბუნება ეჭვის ქვეშ დააყენა, Ethereum-ის ფონდს ნაწილი გამოეყო და საკუთარი კრიპტოვალუტა - Ethereum Classic (ETC) ჩამოაყალიბა. საკმაოდ გასაკვირია, რომ Ethereum-ის ფონდმა ETC-თვის Ethereum Classic-ის ფონდში $150 000 გაიღო.
ვიტალიკ ბუტერინმა $300 000-ის საახალწლო საჩუქრები დაარიგა
ვიტალიკ ბუტერინმა სანტა-კლაუსის ქუდი მოირგო და საახალწლო საჩუქრების დარიგება უკვე დაიწყო. ქსელ Еthereum-ის მომდევნო ვერსიის შექმნაზე მომუშავე სამი სტარტაპის მხარდასაჭერი $300 000 მის ტომარაში უკვე მოიძებნა.
უკანასკნელი სტატიები კატეგორიიდან Ethereum
