„პანიკის“ სტადია დაიწყო? რას გვიწინასწარმეტყველებს უოლ-სტრიტის გრაფიკი?

ფინანსურ ბაზარზე ინვესტიციის დაბანდება, შესაძლოა, ემოციურ ატრაქციონად გადაიქცეს, და ბიტკოინი გამონაკლისი არაა.

როდესაც საქმე ინვესტიციებს ეხება, ადამიანის ემოციები, როგორც წესი, ორ უკიდურესობას - შიშსა და სიხარბეს შორის მერყეობს.

ერთი ემოციური უკიდურესობიდან მეორემდე მოძრაობა, საბაზრო ციკლს ქმნის. ტრეიდერები და ინვესტორები ამ მოძრაობას გრაფიკის მეშვეობით წლობით სწავლობდნენ და მას „უოლ-სტრიტის“ სახელმძღვანელო ეწოდება.

საბაზრო ემოციების უმაღლესი წერტილი - „ეიფორია“ მიიჩნევა, რომელიც ფინანსური რისკის მაქსიმალური წერტილია. ამ მომენტში ინვესტორი თვლის, რომ ყველაფერი მისი გეგმის თანახმად მიმდინარეობს და ბაზრის ტენდენცია უცვლელი დარჩება.

კრიპტოვალუტური ბაზარი ასეთი ეიფორიით 2017 წლის მეოთხე კვარტალში იყო მოცული. ბიტკოინის ფასი $6000-დან $20000-მდე იმ მოსაზრებით გაიზარდა, რომ ფიუჩერსების გაშვება კრიპტოვალუტურ ბაზარზე დიდი ოდენობით ინსტიტუციონალური ინვესტიციების მოზიდვას შეუწყობს ხელს.

ასეა თუ ისე, ბუშტი მაშინ გასკდა, როდესაც მსოფლიოს უდიდეს ბაზრებზე - ჩინეთსა და სამხრეთ კორეაში, კრიპტოვალუტა აიკრძალა. ამ ბუშტთან ერთად, სწრაფი გამდიდრების ოცნებაც გაქრა.

ამის შემდეგ, ბიტკოინის ბაზარმა „თვითდამშვიდების“, შფოთვის“ და „უარყოფის“ სტადიები გამოიარა. ამ კონტექსტში, შეგვიძლია ვივარაუდოთ, რომ „უარყოფის“ სტადია 5 თვე გაგრძელდა, რადგან გამყიდველებმა BTC-ის $6000-ზე ნაკლებად გაყიდვა შეძლეს, რაც წლის ბოლოსთვის აღდგენის იმედს გვაძლევდა.

თუმცა ეს იმედიც დაიმსხვრა, როდესაც 14 ნოემბერს BTC-ის ფასი $6000-ზე ქვემოთ დაეცა და ახალი სტადიის „პანიკის“ დაწყებას მისცა ბიძგი.  ინვესტორებმა აქტივების გაყიდვა დაიწყეს.

იმ მომენტიდან ბიტკოინის ფასი 50%-ით დაეცა და ამ მომენტისთვის, CoinDesk-ის ინფორმაციის თანახმად, $3457 იყიდება. გარდა ამისა, ნოემბერში თვიური ვაჭრობის მოცულობა 30%-ით გაიზარდა. ასეთი მასობრივი გაყიდვები იმაზე მეტყველებს, რომ ბევრმა ინვესტორმა ბაზარი საერთოდ დატოვა და მონეტები არსებულ ფასად გაასაღა.

ვვარაუდობთ, რომ შემდეგი „კაპიტულაციის“ სტადია ფასის $3000-ზე ქვევით დავარდნის შემდეგ დადგება. კაპიტულაციის შედეგად ფასის ნელი ტემპით ცოცვას და ღამ-ღამობით მტირალა თახვებს მივიღებთ.

კაპიტულაციის დასრულების შემდეგ „ბრაზის“ სტადიას უნდა ველოდოთ, როდესაც ინვესტორი თავისი უბედურების მიზეზის პოვნას ცდილობს.

შემდეგ კი - სიტუაციის რეალური აღქმის შეგრძნება მოდის და „დეპრესიის“ სტადია იწყება. 

როდესაც საზოგადოებისთვის კრიპტობაზარი სრულიად გაუფასურდა, ის ნელ-ნელა რეაბილიტაციას იწყებს, თუმცა ინვესტორებს მიღებული ტრავმები ჯერ კარგად ახსოვთ და არანაირი ხარული რბოლის მოლოდინი მათ რეალური მოგების მიღებაში ვერ დაარწმუნებს. თუმცა აღსანიშნავია, რომ, ზოგჯერ, ყველაზე უიმედო წერტილი ფინანსური შესაძლებლობებისთვის საუკეთესო საშუალებაა, თანაც მინიმალური რისკით.

ბაზრიდან გულნატკენი გამყიდველების წასვლის შემდეგ, საბაზრო ფასებით კაპიტალის დაგროვების სტადია იწყება, რომელიც ახალი ციკლის დაწყების საწინდარია.

როგორც ცნობილმა მილიარდერ-ინვესტორმა უორენ ბაფეტმა განაცხადა : "გეშინედეთ, როდესაც სხვები სიხარბეს გრძნობენ! იხარბეთ, როდესაც სხვებს ეშინიათ!"

მასალების მიხედვით www.coindesk.com