გუშინ, დაუდგენელმა პირმა კომპანია Ripple-ს 90 000 000 ტოკენი XRP-ი ერთი უცნობი საფულიდან მეორეზე გადარიცხა. ჩვეულებისამებრ, ასეთი მასშტაბის გადარიცხვები მარტივად განსაზღვრადი კრიპტოვალუტური ბირჟის საფულეზე ხდება. თუმცა ამ შემთხვევაში გადარიცხვის და მიმღების ვინაობა უცნობია, რაც მოცემულ ტრანზაქციას უფრო საეჭვოს ხდის.
დღეს განაცხადეს, რომ XRP-ს მისცეს წვდომა პოპულარული სავაჭრო პლატფორმა eToro-ს ლისტინგისადმი. ეს ტრადიციული სავაჭრო სისტემაა, რომელიც ფიატს როგორც კრიპტოვალუტას უკეთებს მხარდაჭერას. სავსებით შესაძლებელია, რომ ლიკვიდურობისთვის eToro-მ დიდი ოდენობით XRP-ი შეიძინა. თუმცა თანხა დიდი ბირჟისთვისაც კი მეტისმეტად დიდია.
განსაკუთრებულ ყურადღებას ტრანზაქციის მეტისმეტად მცირე ღირებულება იწვევს - მხოლოდ 0,005 XRP-ი. გადაცემული ტოკენების საერთო ღირებულება 33 მილიონი აშშ დოლარის ეკვივალენტურია. საკომისიომ კი ამავდროულად მხოლოდ ცენტის მესამედი შეადგინა. ანალოგიური გადარიცხვა ფიატის გამოყენებით ტრადიციულ ბანკებს შორის მინიმუმ 1 მილიონი აშშ დოლარის საკომისიოს შეადგენდა. 90 000 000 XRP-ის კონვერტაცია ფიატურ ვალუტაში, უდაოდ გამოიწვევს დამატებით მოსაკრებლებს. თუმცა ამავდროულად ტრანზაქცია საკუთარი პოტენციალის დემონსტრაციას აკეთებს - ციფრული აქტივები ფულადი გადარიცხვების მომავალია.
XRP-ი არ საჭიროებს მაინინგს და არც მუშაობის დამადასტურებელი პროტოკოლის (PoW) მქონე ბლოკჩეინია. სწორედ ამიტომ მისი საკომისიოები პრაქტიკულად ნულის ტოლია. ეს ნიშნავს, რომ მინიმალური დანახარჯების მიუხედავად, ის არ იყენებს PoW ქსელის მიერ შემოთავაზებულ უსაფრთხოების უპირატესობას და დეცენტრალიზაციას.
მიმდინარე წელს Ripple-ი საერთაშორისო გადარიცხვების სისტემის გაუმჯობესებისთვის აქტიურად მუშაობს ბანკებთან პარტნიორული ურთიერთობების დალაგების მიმართულებით და ამ ფონზე ტრადიციულ სისტემა SWIFT-ს უპირისპირდება. ფინანსური დაწესებულებების და ორგანიზაციების უმეტესობა სწორედ SWIFT-ის მომხმარებელია. წამში 10 000 ტრანზაქციის დამუშავების შესაძლებლობა უდაოდ გაცილებით მომხიბლავია ვიდრე ბიტკოინების ნელი ქსელი. თუმცა მანამ სანამ კორპორაცია Ripple-ი XRP-ის მიწოდების მხოლოდ 51 %-ს აკონტროლებს, ის კვლავ იქნება კრიტიკის ობიექტი სკეპტიკოსების მხრიდან დეცენტრალიზაციისადმი დამოკიდებულების გამო. ეს კი მოგეხსენებათ, კრიპტოვალუტის ერთ-ერთი უმთავრესი ასპექტია.
მასალების მიხედვით cryptocoinspy.com
ასევე წაიკითხეთ
Ripple ახლო აღმოსავლეთში ფართოვდება
კომპანია Ripple-მა თავისი გაფართოების გეგმა გამოაცხადა, რომელიც ახლო აღმოსავლეთის რეგიონზეა ორიენტირებული. ამის შესახებ, ინფრასტრუქტურული ინოვაციების განყოფილების ხელმძღვანელმა დილიპ რაომ, დუბაის კონფერენციაზე განაცხადა.
შესაძლებელია თუ არა Ripple Swift-ის პარტნიორი გახდეს?
სამშაბათს, XRP-ს საბაზრო კაპიტალიზაციამ, რომელიც დაკავშირებულია Ripple-ს ქსელთან, დროებით გადაუსწრო Ethereum-ის კაპიტქალიზაციას. ამის მიზეზი, ნაწილობრივ, ჭორი გახდა, რომლის თანახმად, Swift-ის მომდევნო განახლებისას, მასში Ripple იქნება ინტეგრირებული. სამშაბათს Swift-ის წარმომადგენელმა ეს ჭორები უარყო.
უკანასკნელი სტატიები კატეგორიიდან Ripple
