დეცენტრალიზირებულ ტექნოლოგიაზე დაფუძნებულ და კონტენტის შექმნაზე, შემოთავაზებაზე და გადაცემაზე ორიენტირებულმა ცნობილმა ბლოკჩეინ პლატფორმამ TRON Foundation-ი 1 მილიონი ყოველდღიური ტრანზაქციების ზღვარი გადალახა და Ethereum-ის რეკორდი გააუმჯობესა.
კრიპტო-კომპანიის დამფუძნებელი და მთავარი აღმასრულებელი დირექტორი ჯასტინ სანი TRON Foundation-ის გარშემო ინტრიგებს ხლართვას და საკუთარი ტოკენის ფასის გაზვიადების შესაძლებლობას ხელიდან არასდროს უშვებს.
ამჯერადაც, სანმა საკუთარი ტრიუმფი ვერ მოთოკა და blockchain TRON-ის მორიგი რეკორდის შესახებ საკუთარ ტვიტერში დაწერა. 2018 წლის 9 ნოემბერს TRON Foundation-მა და მისმა კრიპტოვალუტამ TRX ყოველდღიური ტრანზაქციების რეკორდი დაამყარა. რაც განსაკუთრებით მნიშვნელოვანია მსოფლიოს სიდიდით 11-ე კრიპტოვალუტის დამფუძნებლისთვის, საბაზრო კაპიტალიზაციის თვალსაზრისით TRON-მა Ethereum (ETH)-ს აჯობა, რომელიც 2018 წლის იანვრიდან ლიდერობდა. TRON-მა 1 367 488 ტრანზაქცია დაარეგისტრირა, მაშინ როდესაც 4 იანვრიდან მოყოლებული Ethereum-ის რეკორდი დღე-ღამეში 1 349 890 ტრანზაქცია იყო.
ყოველივე ეს ვიტალი ბუტერინის მისამართით ქილიკის ახალი საბაბი გახდა. ამავდროულად სანის განცხადებით TRON-მა აბსოლუტური უპირატესობით გაიმარჯვა და ნაკლებსავარაუდოა, რომ Ethereum-ი მის დაწევას ოდესმე შეძლებს.
საგულისხმოა, რომ Ethereum-ის გარდა რეკორდსმენმა ბაზრის სხვა ლიდერების: BTC, BCH და XRP მაჩვენებლებიც დაჯაბნა.
თავად ტვიტერში გამოქვეყნებული პოსტის კომენტარებში Ethereum-ისა და TRON-ის გულშემატკივრების ბრძოლა მიმდინარეობს. სკეპტიკოსების აზრით ბუტერინის მისამართით ნასროლ სანის ქილიკსა და დაცინვას, ბუტერინი საკადრის პასუხს გასცემს.
ამავდროულად, ნაწილი დარწმუნებულია, რომ Tron-ის წარმატებით ბუტერინი არც ისე შეწუხებულია. მისი Tron-ის ღირებულება Ethereum-ზე 0.02254182 აშშ დოლარით მეტია. ამავდროულად ბლოკჩეინის შედარება სხვა პროტოკოლებთან - Ethereum-PoW, Tron-DPoS ამ ეტაპზე არაკორექტულია, საბაზრო კაპიტალიზაციის კუთხით კი Tron-ის მაჩვენებელი Ethereum-ზე 14-ჯერ ნაკლებია.
ასევე წაიკითხეთ
Weiss Ratings: ამ კრიპტოვალუტებში ინვესტიციის ჩადება სასურველი არ არის
ფინანსური სარეიტინგო სააგენტომ Weiss Ratings-მა თავის ბოლო ანგარიშში 4 ტოკენი გამოყო და შეფასება „D“ (დაბალი) ან უფრო დაბალი მიუჩინა. სულ 111 კრიპტოვალუტა შეფასდა, ხოლო 48 მათგანმა დაბალი რეიტინგი დაიმსახურა.
ჩანპენ ჩჟაო: Binance Coin-ი გადახდის საშუალება გახდება
ერთ-ერთ თავის ბოლო ინერვიუში ჩანპენ ჩჟაომBinance Coin (BNB)-ის შესახებ საკუთარი ხედვა გაგვიზიარა. მისი აზრით, ყველაზე უმსხვილესს ბირჟის მიერ წარმოებულ ტოკენს ყველა შანსი აქვს იმისთვის, რომ მომავალში ყველა ფიატურ ვალუტას გაუწიოს კონკურენცია და ყოველდღიური გადახდების ტოკენი გახდეს.
უკანასკნელი სტატიები კატეგორიიდან ალტკოინები
