ოჰაიო აშშ-ს პირველი შტატი გახდება, რომელიც ამიერიდან ოფიციალურად გადასახადებს ბიტკოინებში მიიღებს. უკვე ხვალიდან საიტზე OhioCrypto.com რეგისტრაციის შემდეგ მოქალაქეებს შტატის საგადასახადო სამსახურთან ანგარიშსწორებისას ბიტკოინების გამოყენების საშუალება ექნებათ.
ხაზინის კანცელარიის გადაწყვეტილებით, BitPay საგადასახადო პროცესორის ინტეგრირებით, სახაზინოში გადასახადის სახით გაგზავნილი ბიტკოინის კონვერტირება აშშ დოლარებში მოხდება.
ვებ-საიტზე OhioCrypto.com რეგისტრაციის შემდეგ, რიგით მოქალაქეებს და მეწარმეებს გადასახადების გადახდის პროცედურის გავლისთვის სპეციალურ ველებში უნდა მიუთითონ საგადასახადო სარეგისტრაციო ნომერი, გადასახადის მოცულობა და საგადასახადო პერიოდის რიცხვი. ამის შემდეგ მომხმარებლის კრიპტო- საფულიდან თანხის გადარიცხვა ავტომატურად მოხდება. საიტზე მოცემულია 23 სხვადასხვა სახის გადასახადი (დაწყებული თამბაქოს აქციზიდან და დამთავრებული მოგების გადასახადით), რომლის დაფარვაც ბიტკოინით შეიძლება.
საიტზე მოცემული ინფორმაციის თანახმად, მისი გამოყენება ოჰაიოს შტატის გარეთ რეგისტრირებულ კომპანიებსაც შეუძლიათ, თუმცა მხოლოდ იმ შემთხვევაში თუ ისინი საქმიანობას შტატის შიგნით ეწევიან. ამჟამად ბიტკოინი ერთადერთი კრიპტოვალუტაა, რომლის გამოყენებაც გადასახადების გადაფარვისთვის შეიძლება. თუმცა უახლოეს მომავალში ოჰაიოს შტატის ხაზინა გამოყენებადი ციფრული ვალუტების სიის გაფართოებას აპირებს.
რა თქმა უნდა ოჰაიოს ინიციატივა ვალუტას იურიდიულ სტატუსს არ აძლევს, თუმცა ეს ბიტკოინის ღია მხარდაჭერაა, რომელსაც ის დიდი ხნის განმავლობაში ელოდა.
საგულისხმოა, რომ ოჰაიოს შტატის მთავარი ხაზინდარი ჯოშ მანდელი, რომელიც ინოვაციური ტექნოლოგიების და ციფრული აქტივების მომხრეა, კრიპტოვალუტის მიღების წინადადებით არაერთხელ გამოსულა.
მისი აზრით, ციფრული აქტივების შესაძლებლობების სწორი შეფასება, მარეგულირებელ ორგანოებს მათ მიმართ არსებული ნეგატიური დამოკიდებულების გადახედვაში დაეხმარება.
ასევე წაიკითხეთ
ბიტკოინი, ეპიტაფია თუ პანეგირიკი
Bitcoin-ი 2008 წლის 31 ოქტომბერს დაიბადა. დღეს, 10 წლის შემდეგ, მსოფლიოში პირველი კრიპტოვალუტა რთული ფინანსური სისტემის სათავაშია, რომელსაც ბაზარი და მსხვილი ინვსეტორები სიფრთხილით აკვირდებიან.
ბიტკოინის კრახი გრძელდება
ბიტკოინ-ხარებისთვის ეს რთული კვირა, რთული თვე და მთლიანობაში რთული წელიწადი იყო. მიმდინარე კვირის განმავლობაში კრიპტოვალუტის ფასი 6,4 %-ით შემცირდა. ანუ 18,7 %-ით უკანასკნელი თვის და 76,2 %-ით მიმდინარე წლის განმავლობაში. შემცირების ზღვრულმა მინიმუმმა 83,5 %-ი შეადგენდა. ისააკ ნიუტონს აქვს ნათქვამი „ყველაფერი რაც მიდის მაღლა, ადრე თუ გვიან დაბლა დაბრუნდება“ - კრიპტოვალუტა ამ თეორიას ზუსტად იმეორებს.
უკანასკნელი სტატიები კატეგორიიდან Bitcoin
