ვიტალიკ ბუტერინმა $300 000-ის საახალწლო საჩუქრები დაარიგა

ვიტალიკ ბუტერინმა სანტა-კლაუსის ქუდი მოირგო და საახალწლო საჩუქრების დარიგება უკვე დაიწყო. ქსელ Еthereum-ის მომდევნო ვერსიის შექმნაზე მომუშავე სამი სტარტაპის მხარდასაჭერი $300 000 მის ტომარაში უკვე მოიძებნა.

პროექტები Sigma Prime-ი და ChainSafe-ი Еthereum 2.0-ის კლიენტ Lighthouse-ს ქმნიან, ხოლო Prysmatic Labs-ი Ethereum-ის მასშტაბირების საკითხებზე მუშაობს. საინტერესოა, რომ საჩუქრის მისაღებად საახალწლო სურვილებით გრძელი წერილების წერა არავის დასჭირვებია . როგორც აღმოჩნდა, საკმარისია საჯაროდ ფინანსების უკმარისობაზე დაწუწუნება.

ასეთი იყო Twitter-ში დისკუსიის შედეგი, სადაც ძირითადი დეველოპერები ფინანსირების არარსებობას და ქსელის განვითარების ტემპებზე სიტუაციის გავლენას განიხილავდნენ. თანაც ყველა პროექტს ფონდ Ethereum-ის შემოწირულობები ადრეც მიუღიათ. მაგრამ ყველა დეველოპერი სრულფასოვანი სამუშაოს ჩასატარებლად გრანტების ნაკლებობას და ყოველი ETH-ის ახალ შემმუშავებლად გარდაქმნის დიდ სურვილს აღნიშნავდა. მათი აზრით კრიპტოვალუტის პოპულარობის დაცემის პირობებში, ქსელის პროგრამული უზრუნველყოფის განახლება რაც შეიძლება სწრაფად უნდა მოხდეს, მაგრამ არასრულფასოვნად დაფინანსებულ პროექტებს გუნდის სრული სამუშაო დღით დასაქმებაც კი არ შეუძლიათ.

ეკოსისტემა Ethereum-ში მომუშავე სამივე სტარტაპმა ბუტერინისგან საჩუქრად 1000 ETH-ი და სამუშაოზე მაქსიმალური კონცენტრირების და შედეგების უახლოეს დროში დადების მისი სურვილი მიიღეს.

ბუტერინი, რომელიც ბოლო დროს სულ იმას აღნიშნავდა რომ " ეთერს არ არიგებს" მისი სახელით სოციალურ ქსელში დიდი რაოდენობით ყალბი პროექტების არსებობის გამო, მისი ცნობილი საფულიდან ამ ტრანზაქციების დამადასტურებელი ბმულები გამოაქვეყნა.