საზოგადოება კრიპტოვალუტის პოტენციალს მისი შექმნის მერე განიხილავს. ფინანსური ბაზრის გურუებს შორის ციფრული აქტივების მომხრეები და მოწინააღმდეგეებიც არიან. ორივე მხარე პერიოდულად ცდილობს ბიტკოინის მომავალი იწინასწარმეტყველოს და ამით ემოციურ ატმოსფერო უფრო გაამწვავოს.
როდესაც საქმე ფინანსურ ინვესტიციებს ეხება, ადამიანი ორ უკიდურეს ემოციას შორის მერყეობს - შიშსა და გაუმაძღრობას შორის . ზუსტად მათ შორის ბალანსის შენარჩუნება გვაძლევს საბაზრო ემოციების მართვის საშუალებას, რითაც, ხშირად „კრიპტოწინასწარმეტყველები“ სარგებლობენ. დაუჯერებთ თუ არა მათ პროგნოზებს - თქვენი გადასაწყვეტია.
მაიკ ნოვოგრაცი
კრიპტოვალუტური სავაჭრო ბანკის Galaxy Digital Holdings-ის მმართველობის თავმჯდომარე, გენერალური დირექტორი, დამფუძნებელი და Fortress Investment Group-ის ყოფილი მაკრო-მენეჯერი თვლიდა, რომ ბიტკოინის ფასი წლის ბოლომდე 30%-ით გაიზრდება, ხოლო მომავალი წლის პირველ კვარტალში მისი ფასი „ უფრო სერიოზულ ზრდას დაიწყებს“.
ნაიჯელ გრინი
ერთ-ერთი ყველაზე დიდი და დამოუკიდებელი ფინანსური საკონსულტაციო კომპანიის deVere Group-ის გენერალური დირექტორი აცხადებდა, რომ გაშვებული შანსის სინდრომის წყალობით წლის ბოლომდე Bitcoin-ის ფასი მკვეთრად გაიზრდება.
ტომ ლი
FundStrat Advisor-ის თანადამფუძნებელი და კვლევითი ჯგუფის უფროსი ტომ ლი წლის დასაწყისში ბიტკოინის ფასის გაზრდას $22 000-მდე ვარაუდობდა. მას მერე, რაც ფასი დაეცა, ლიმ ახალი პროგნოზი გააკეთა და თქვა, რომ ბიტკოინის მინიმალური ფასი $15 000, ხოლო მაქსიმალური $22 000 იქნება, თუმცა მან ასევე თქვა, რომ წლის ბოლოს ბიტკოინი შესაძლოა $25 000 გაიყიდოს.
ტიმ დრეიპერი
მილიარდერი, ინვესტორი და მეწარმე დღემდე თვლის, რომ ციფრული აქტივის ფასი მალე ექვსნიშნა ციფრით აღინიშნება. „მომავლაში ბიტკოინის ფასი ისე გაიზრდება, რომ ყველა ინვესტორი ვალდებულია ის ფასის კლების დროს იყიდოს. მე ჩემს აზრზე დავრჩები, ბიტკოინის ფასი უფრო ქვევით რომ დაეცეს - 2022 წლისთვის მისი ფასი $250000 შეადგენს“.
მიმდინარე წლის დასრულებამდე სულ რამოდენიმე დღე დარჩა, მაგრამ კრიპტოვალუტურ ბაზარზე დათვები პოზიციებს არ თმობენ, რაც აღნიშნულ პროგნოზების ხარისხში გვაეჭვებს.
Читайте также
ჩანპენ ჩჟაო: არ ვარ დარწმუნებული, რომ კრიპტოკორექციის ფაზა დასრულდა
Binance-ს გენერალურმა დირექტორმა, ჩანპენ ჩჟაომ ეჭვი კრიპტოკორექციის დასრულების შესახებ გამოთქვა. Bloomberg-თან საუბარში მან აღნიშნა, რომ კრიპტოვალუტა ეს სპეკულანტების სივრცეა, და მისმა ვოლანტილობამ გაკვირვება არავისში არ უნდა გამოიწვიოს.
მოსაზრება: კრიპტობაზარი ჩანგალმა წააქცია
გუშინ, სულ რაღაც ერთი საათის განმავლობაში ბიტკოინის ფასი 800 $-ით დაეცა. ამჟამად მონეტით ვაჭრობა 5590 $-ის ნიშნულზე მიმდინარეობს. 2017 წლის მოვლენების შემდეგ ეს ფასის ვარდნის პირველი ასეთი შემთხვევაა. ინვესტორები სერიოზულ ზარალს განიცდიან. ამავდროულად კრიპტობაზარს ბიტკოინის კვალდაკვალ, განსაკუთრებით კი ვარდნის შემთხვევაში სიარული სჩვევია. ამგვარად Ethereum-ი 15 %-ით დაეცა, XRP-ი და BTC-ი კი - შესაბამისად 13 % და 12 %-ით. ვალუტა Dogecoin-იც კი კლებულობს ფასში.