IТ-ტექნოლოგიების განვითარებასთან ერთად, უკრაინის გენპროკურატურა ახალი გამოწვევების წინაშე დგება. ამ ეტაპზე მას, ციფრული სამყაროს გადახდის სისტემებისა და კრიპტოვალუტების სფეროში არაკანონიერი ქმედებების წინააღმდეგ უწევს ბრძოლა.
გუშინ უწყების პრეს-სამსახურმა განაცხადა, რომ სახელმწიფო ფისკალური სამსახურის ჩინოვნიკებსა და რამოდენიმე ბიზნესმენის წინააღმდეგ წინასწარი გამოძიება მიმდინარეობს. წინასწარი ინფორმაციის თანახმად, ერთერთ ჯგუფს, ინოვაციური ბიზნეს-პროექტების სახელით, ფინანსური პირამიდის შექმნის ბრალი ედება. ჯგუფის წევრები მიმნდობი მოქალაქეებისგან ფულად სახსრებს ღებულობდნენ და უკანონო გზით მიღებულ შემოსავლებს (ფულს და კრიპტოვალუტას), ლეგალიზების მიზნით, უკრაინაში აკრძალული გადახდის სისტემების Qiwi, WebMoney და იანდექსის გამოყენებით, საზღვარგარეთ გაქონდათ.
სისხლის სამართალწარმოების ფარგლებში, კიევსა და ვინიცკის ოლქში რამოდენიმე ჩხრეკა ჩატარდა. ეჭვმიტანილებს კრიმინალური ჯგუფის შექმნა ედებათ ბრალად, რომლებიც უკანონო გზით განსაკუთრებულად დიდი ოდენობის შემოსავლებს იღებდნენ და უკრაინაში აკრძალული ელექტრონული გადახდის სისტემების და სხვა მექანიზმების გამოყენებით, მათ ლეგალიზაციას ცდილობდნენ. გარდა ამისა, უკრაინის სახელმწიფო ფისკალური სამსახურის თანამდებობის პირებს თანამდებობრივი მოვალეობების ბოროტად გამოყენება ედებათ ბრალად. გამოძიების ინტერესებიდან გამომდინარე, ეჭვმიტანილთა გვარები არ გახმაურდა.
მასალების მიხედვით gp.gov.ua
ასევე წაიკითხეთ
კრიპტოპლატფორმები Bitcoin Cash-ის ფორკისთვის მზად არიან
მომავალ კვირას Bitcoin Cash-ის საზოგადოებას ჰარდფორკი ელოდება. ცოტა ხნის წინ, თავიანთი ხედვა ფორკის შემთხვევაში მხოლოდ Bitasiex-მა, Coinex-მა და Ledger Wallet-მა გაჟღერა, მაგრამ ამ დროისთვის მსგავს განცხადებას უკვე მრავალი კომპანია აკეთებს.
ფორკის მოლოდინში Bitcoin Cash-ი 25 % გაძვირდა
15 ნოემბერს ჰარდფორკმა შესაძლოა BCH-ს ქსელი გაყოს. კრიპტოკომპანიებმა ამ მოვლენის დადებითი და უარყოფითი მხარეები განიხილეს. საზოგადოების ნაწილი Bitcoin ABC-ს გუნდის იდეას ემხრობა, რომელმაც წინა წლის აგვისტოში Bitcoin-ის ბლოკჩეინი გაყო და Bitcoin Cash-ი შექმნეს. მეორე ნაწილი კი nChain-ის მიერ შემუშავებულ ქსელს უჭერს მხარს, რომელიც რაით კრეიგს და CoinGeek მაინინგურ პულს სახელს უკავშირდება.
უკანასკნელი სტატიები კატეგორიიდან მოვლენები
