აშშ-ს იუსტიციის სამინისტრო ეჭვობს, რომ, Tether-ი, 2017 წლის ბიტკოინის რალის დროს, მანიპულაციებში იღებდა მონაწილეობას
წინა წელს და განსაკუთრებულად Bitcoin-ის დეკემბრის რალის დროს, ბაზრის მაღალმა ვოლატილობამ განაპირობა, აშშ-ს იუსტიციის სამინისტროს მხრიდან, ბირჟა Bitfinex და Tether Ltd გუნდის საქმიანობის შემოწმება.
ფედერალური პროკურორები ეჭვობენ, რომ Bitcoin, Tether და Bitfinex-ის გამოყენებით ჩახლართული ქსელები, შესაძლოა, ბაზარზე ფასების უკანონო მანიპულირებისთვის იყო გამოყენებული.
იუსტიციის სამინისტროს ეჭვები დაემატა, უკვე არსებულ, შარშან დაწყებულ, გამოძიებას, რომელსაც აშშ-ს სასაქონლო ფიუჩერსებით ვაჭრობის კომისია (CFTC) ატარებს.
როგორც Tether Ltd., ასევე Bitfinex-იც ეჭვმიტანილნი არიან ციფრული აქტივების საბაზრო მანიპულაციებში და კრიპტოვალუტურ ბაზარზე ხელოვნური აქტივობის შექმნაში, რათა სტეიბლკოინ Tether-ის გამოყენებით, ფასი აემაღლებინათ. მარეგულირებელი ორგანოები ფიქრობენ, რომ Tether-ს Bitcoin-ის საყიდლად კრიტიკულ მომენტებში იყენებდნენ, როდესაც ციფრული ტოკენების ფასი ეცემოდა.
მთავარი კითხვა, რომელსაც აშშ-ს იუსტიციის სამინისტრომ გამოძიების დასრულების შემდეგ უნდა გასცეს - განაპირობა თუ არა ციფრული აქტივების მკვეთრი გაძვირება მოთხოვნის ფაქტორმა, თუ, საბაზრო ტრიუკების გამოყენებით, ფასი ხელოვნურად იყო აწეული. CFTC-თან ერთად, პროკურორებმა რამოდენიმე სავაჭრო სტრატეგია შეისწავლეს, მათ შორის სპუფინგი - სხვა ტრეიდერების მოტყუების და აქტივების ყიდვა/გაყიდვის იძულების მიზნით, ბაზარზე დიდი რაოდენობით ყალბი ორდერების შემოტანის პრაქტიკა. რეგულატორები თვლიან, რომ, შესაძლებელია, Tether-ი Bitcoin-ის საყიდლად 2017 წლის გადამწყვეტ პერიოდებში იყო გამოყენებული. მათი აზრით, Bitcoin-ის 1400 პროცენტით გაძვირება, ამ მანიპულაციებთან იყო დაკავშირებული.
გარდა ამისა, იუსტიციის სამინისტრო Tether Ltd.-ს ახალი მონეტების ემისიას და მათი ბაზარზე Bitfinex-ის გამოყენებით დაყრის საკითხს იძიებს. კომისიის ძირითად ყურადღებას ჰონგ-კონგში Tether Ltd და Bitfinex-ის მმართველი გუნდი იპყრობს.
არსებული ინფორმაციით, არც იუსტიციის სამინისტრო და არც CFTC-ი გამოძიების შესახებ ოფიციალურ კომენტარს არ აკეთებენ. გარდა ამისა, კომპანიებს ბრალი წაყენებული ჯერ არ აქვთ. Tether Ltd და Bitfinex-ის წარმომადგენლებიც დუმან. თუ რამდენ ხანს გაგრძელდება სტაბილური მონეტების Bitcoin-ის მკვეთრ რალებზე შესაძლო ზეგავლენის გამოძიება - რთული სათქმელია
Читайте также
ჩრდილოეთ დაკოტის მარეგულირებელმა რუსული სტარტაპი აკრძალეს
აშშ-ში, შტატ ჩრდილოეთ დაკოტას ფინანსურმა მარეგულირებელმა თაღლითურ რუსულ კრიპტოვალუტურ კომპანიას ფინანსური ოპერაციების განხორციელების საშუალება არ მისცეს. როგორც გაირკვა, რუსული ფირმა ბრუნვაში მონეტების (ICO) გაშვების მიზნით, თავს ლიხტენშტაინში დარეგისტრირებულ ბანკად ასაღებდა.
ქართული კრიპტოსამზარეულო. აირჩიეთ კერძი
ის ფაქტი, რომ საქართველო პოსტსაბჭოთა სივრცეში ერთ-ერთი ყველაზე ლოიალური ქვეყანაა, სადაც ბიზნესის კეთებისთვის კომფორტული და ხელსაყრელი გარემოა, საიდუმლოს არავისთვის აღარ წარმოადგენს. ასეთ წარმატებას საქართველომ უკანასკნელი 10 წლის განმავლობაში გატარებული რეფორმების შედეგად მიაღწია, რომლებსაც ქვეყნის სხვადასხვა მმართველები ატარებდნენ, რათა არსებული მდგომარეობა გაუმჯობესებულიყო. თუ რა მდგომარეობაა საქართველოში კრიპტოვალუტის ბიზნესის სფეროში ვეცდებით ჩვენს დღევანდელ მასალაში გამოვიკვლიოთ.